الەمدەگى ەڭ سۇلۋ قىز الماتىعا ۇشىپ كەلدى - فوتو
پاۋلينا ۆەگا الماتىعا نيۋ- يوركتەن ۇشىپ كەلدى، الەمنىڭ نومەرى ءبىرىنشى سۇلۋى ۇزاق جولدان كەلسە دە، سۇحبات بەرۋدەن باس تارتپادى. «ۇشىپ كەلگەنشە ۇيىقتادىم، ءبىراق ءوزىمدى جاقسى سەزىنىپ تۇرمىن. نيۋ-يوركتە قازىر كۇندىزگى ساعات 12.00، سوندىقتان قۋاتىم تاسىپ تۇر»، - دەدى پاۋلينا.
«الەم ارۋى» بايقاۋىن جەڭىپ شىققالى بەرى ءتورت اي ءوتتى. بۇل كەرەمەت تاجىريبە، اسەر جانە مۇمكىندىك.
مىسالى مەن وسىنشا ەلدى ارالاي الامىن دەپ ويلاعان جوقپىن. ساياحاتتاعاندى، الەمدى تانىعاندى جاقسى كورەمىن. «قازاقستان ارۋى» ايداي يسايەۆا «الەم ارۋى» بايقاۋى كەزىندە سىزدەردىڭ ەلدەرىڭىز تۋرالى كوپ ايتقان بولاتىن. ماعان وتە قىزىق بولدى جانە قازاقستانعا قاتتى كەلگىم كەلدى»، - دەپ ويىمەن ءبولىستى پاۋلينا ۆەگا.
«الەم ارۋىنىڭ» ايتۋىنا قاراعاندا، بۇل تيتۋل ءۇشىن وعان كوپ نارسەدەن باس تارتۋعا تۋرا كەلگەن. پاۋلينانىڭ جەڭىسىنەن كەيىن ءبىر جىلعا نيۋ- يورككە كوشىپ بارعانى بەلگىلى. «وتباسىمدى، جەكە ءومىرىمدى، مانسابىمدى تاستاپ كەتۋىمە تۋرا كەلدى. مەن قازىر كەلەسى جەڭىمپازعا ءتاجدى بەرگەننەن كەيىن نە بولاتىنى تۋرالى ويلاعىم كەلمەيدى، ازىرشە وسى ۇمىتىلماس ساتتەردەن ءلاززات العىم كەلەدى، الايدا جوسپارىم كوپ. بۇل ومىردە كوپ نارسەگە ۇلگەرگىم كەلەدى»، - دەدى 22 جاستاعى پاۋلينا ۆەگا.
ايتا كەتەيىك، «الەم ارۋى» قاتىسۋعا كەلگەن وپەرا بالەتى جىل سايىن 35 جاسقا دەيىنگى ەڭ ۇزدىك وپەرا ورىنداۋشىلارىن ماراپاتتايدى. بيىل ونداعان ەلدەن 40 قا جۋىق جاس ورىنداۋشى The Opera Ball Award-قا قاتىسۋعا ءوتىنىم بەردى. ولاردىڭ اراسىنان التاۋى فينالعا شىقتى، ولار - يليا سيلچۋكوۆ (بەلارۋس)، ءالفيا كارىموۆا (قازاقستان)، رايان گرين (اۆستريا)، دامير ءسادۋاقاسوۆ (قازاقستان)، وكسانا داۆىدەنكو (قازاقستان)، اناستاسيا كوجۋحاروۆا (قازاقستان). جەڭىمپازدىڭ اتى- ءجونى وپەرا بالى كەزىندە جاريالانادى.
