16:22, 26 - ماۋسىم 2015 | GMT +6
پاۆلوداردا اقشا تولى سەيف ۇرلانعان ءسات بەينەباقىلاۋ كامەراسىنا ءتۇسىپ قالدى - كەسكىن
استانا. قازاقپارات - پاۆلوداردا ەكى ەر ادامنىڭ 830 مىڭ تەڭگە ساقتالعان سەيفتى ۇرلاعان ءساتى بەينەباقىلاۋ كامەراسىنا ءتۇسىپ قالدى.
بۇل تۋرالى Pavlodarnews.kz وبلىستىق ءى ءى د باسپا ءسوز حاتشىسى ساۋلە مۋسينوۆاعا سىلتەمە جاساي وتىرىپ حابارلادى.
ساۋلە مۋسينوۆانىڭ ايتۋىنشا، كەڭسەنىڭ تەرەزەسىن سىندىرىپ، ىشىندە اقشا بولعان سەيفتىڭ ۇرلانعانى تۋرالى پاۆلودار تۇرعىنى حابارلاعان. Youtube سايتىنا جۇكتەلگەن ۆيدەودان ۇرلىقتى ەكى جاس جىگىتتىڭ جاساعانىن كورۋگە بولادى. كۇدىكتىلەر بەتتەرىن مەديتسينالىق بەتپەردەمەن جاۋىپ العان.
«ق ر قىلمىستىق كودەكسىنىڭ «ۇرلىق» 188-بابى بويىنشا سوتقا دەيىنگى تەرگەۋ باستالدى. قىلمىستى اشۋعا باعىتتالعان تەرگەۋ امالدارى جۇرگىزىلىپ جاتىر»، - دەدى مۋسينوۆا.
