ق ر پرەزيدەنتىنىڭ «قازاقستان» ۇلتتىق تەلەارناسىنىڭ شىعارماشىلىق ۇجىمىنا العىسى جاريالاندى

«بۇگىن اقوردادا ەلدىڭ ۇزدىك جۋرناليستەرىن ماراپاتتاۋ كەزىندە ق ر پرەزيدەنتىنىڭ «قازاقستان» ۇلتتىق تەلەارناسىنىڭ شىعارماشىلىق ۇجىمىنا مەملەكەتتىك ساياساتتىڭ جۇزەگە اسىرىلۋى بارىسىن بەلسەندى جاريالاپ كورسەتكەنى جانە وتاندىق اقپاراتتىق كەڭىستىكتى ورىستەتۋگە قوسقان زور ۇلەسى ءۇشىن العىسى جاريالانادى.

وسى العىس حاتتا بارشالارىڭىزدىڭ ەڭبەكتەرىڭىز بار. بۇل تۇرعىدا كورپوراتسيانىڭ بارلىق ۇجىمىنا ۇلكەن راحمەتىمدى ايتقىم كەلەدى. بارلىعىڭىزدى ەلىمىزدەگى بۇقارالىق اقپارات قۇرالدارى جانە بايلانىس قىزمەتكەرلەرى مەرەكەسىمەن، كاسىبي ءتول مەرەكەمىزبەن قۇتتىقتايمىن!»، - دەدى «قازاقستان» ر ت ر ك» ا ق باسقارما ءتورايىمى نۇرجان مۇحامەدجانوۆا «قازمەديا ورتالىعىندا» كورپوراتسيانىڭ شىعارماشىلىق ۇجىمىن قۇتتىقتاۋعا ارنالعان مەرەكەلىك شارادا.

سونىمەن قاتار باسقارما ءتورايىمى كەشە «نۇر وتان» پارتياسىنىڭ 15 جىلدىعىنا ارنالعان جۋرناليستەر اراسىندا «نۇر سۇڭقار» سىيلىعىن تابىستاۋ راسىمىندە «قازاقستان» تەلەارناسىنىڭ «اپتا. ك ز» ساراپتامالىق باعدارلاماسىنىڭ باسشىسى ەركىن تاڭاتقان ۇلى «ەرەكشە پىكىر» اتالىمى بويىنشا ەڭ ۇزدىك تەلەۆيزيالىق جۋرناليست رەتىندە ماراپاتتالعانىن، سونداي-اق قازاق راديوسىنىڭ "قايىرلى تاڭ" باعدارلاماسىنىڭ رەداكتورى قۇرالاي جۇماحان ۇزدىك دەپ تانىلعانىن ەسكە سالىپ ءوتتى.

ايتا كەتەيىك، «قازمەديا ورتالىعىنداعى» سالتاناتتى شارا بارىسىندا نۇرجان مۇحامەدجانوۆا رەسپۋبليكالىق تەلەراديوكورپوراتسياسىنىڭ ۇزدىك جۋرناليستەرى مەن قىزمەتكەرلەرىنە العىسحاتتار مەن ەستەلىك سىيلىقتار تاپسمىردى.

 سونىمەن قاتار «قازاقستان» ر ت ر ك» ا ق باسقارما ءتورايىمى بايلانىس جانە اقپارات قىزمەتكەرلەرىنە وراي، مەملەكەتتىك اقپاراتتىق ساياساتتى جۇزەگە اسىرۋ، كورپوراتسيانىڭ جۇمىسىن اقپاراتتىق سۇيەمەلدەۋگە قوسقان شىعارماشىلىق ۇلەسى مەن جوعارى كاسىبي شەبەرلىگى ءۇشىن «قازاقپارات» ح ا ا تىلشىلەرى مۇراتبەك ماقۇلبەكوۆكە، رۋسلان عابباسوۆقا جانە دامير بايمانوۆقا العىسحاتتار تابىستادى.

اۆتور: رۋسلان عابباسوۆ