ساراپشى- پالەونتولوگ د. مالاحوۆ: اقتوبەدەن تابىلعان دينوزاۆر جۇمىرتقاسى ەمەس

بۇل تۋرالى سۋرەتتى قاراپ شىققان ساپارشى-پالەونتولوگ دميتري مالاحوۆ ايتتى، دەپ حابارلايدى Bnews.kz ءتىلشىسى.

سۋرەت ارقىلى تاستى زەرتتەگەن دميتري مالاحوۆ سارى ۋىزدا سۇيەك بولۋى قاجەت دەپ وتىر. سەبەبى، دينوزاۆر ومىرتقالى جانۋار. «مەن ەشقانداي سۇيەك قالدىقتارىن كورگەن جوقپىن. سوندىقتان قۇرامى ورگانيكالىق دەۋگە كەلمەيدى»، - دەيدى ول.

بۇعان دەيىن اقتوبەدە قۇرىلىس جۇرگىزىپ جاتقان توپ الىپ جۇمىرتقالار تاپقان بولاتىن. بۇل الىپ جانۋارلاردىڭ جۇمىرتقاسى بولۋى مۇمكىن دەگەن بولجام ايتىلعان بولاتىن.

قالا ىشىندە قۇرىلىس جۇمىستارىن جۇرگىزىپ جاتقان ءامىرعالي ءدىليموۆ بۇل جولى جەردى قازۋ قيىنعا سوققانىن ايتتى. قازبا جۇمىستارى كەزىندە 4-7 مەتر تەرەڭدىكتەن الىپ جۇمىرتقالار تابىلعان. «دينوزاۆردىڭ جۇمىرتقاسى بولۋى مۇمكىن»، - دەيدى ول.

قازىر بۇل تاستاردىڭ ءبىر بولىگى وبلىستىق تاريحي- ولكەتانۋ مۇراجايىندا.

«جۇمىرتقا دەپ توپشالاپ وتىرمىز. سەبەبى، وزىندىك ءپىشىنى ساقتالعان، تاستىڭ وزەگىندە كىشكەنتاي ءمۇسىن بار. قابىعى، سۇيىقتىق ورنالاسقان كەڭىستىگى دە انىق كورىنەدى. قازىر جۇمىرتقانىڭ تەڭ جارتىسى بىزدە. بۇل ءبىز ءۇشىن قىزىقتى، باعالى. جۇمىرتقانىڭ تابىلعانى، ميلليونداعان جىل بۇرىن اقتوبە جەرىندە الىپ جانۋارلاردىڭ ءومىر سۇرگەندىگىن تاعى ءبىر دالەلدەي تۇسكەندەي»، - دەيدى مۇراجاي ديرەكتورىنىڭ ورىنباسارى ارمان ەرجانوۆ.

مۇراجاي قىزمەتكەرلەرى قازاقستاننىڭ، ءتىپتى رەسەيدىڭ ماماندارىنان كەڭەس الۋعا ءازىر. قازىر زەرتتەۋ جۇمىستارى باستالدى.  

التىناي ساعىندىقوۆا