بريتانيالىق ايەل فرانسيادان قاشقان كەمىرگىشتى ەلىنە قايتارىپ الەككە ءتۇستى - فوتو

وقيعا بريتانيالىق ايەلدىڭ فرانسياداعى ۇيىنە دەمالىسقا بارىپ قايتۋىنان باستالدى.

كوكتەم ايلارىندا نورمانديادا بولىپ قايتقان ول ءوزىنىڭ تۇراقتى مەكەنىنە ورالعاننان كەيىن 10 كۇن وتكەن سوڭ ۇيىندە كەمىرگىشتىڭ جۇرگەندىگىن بايقايدى.

باستاپقىدا شوشىپ كەتكەن سيۋ ءوز-وزىنە كەلگەن سوڭ تىشقاندى ۇستاپ الادى. انىقتاي كەلە، ونىڭ ءجاي تىشقان ەمەس، ورمانداردى مەكەندەيتىن جاڭعاق كەمىرگىش تىشقان ەكەندىگى بەلگىلى بولدى. ونىڭ فرانسيا جەرىنەن كولىككە ءمىنىپ جەتكەنىن تۇسىنە قويعان ايەل سۇتقورەكتىنى ءوز جەرىنە اپارىپ تاستاۋدى ۇيعاردى.

ءسويتىپ، كولىكپەن 600 شاقىرىم جەردى باسىپ، سەن-جەرمەن ديۋ سابلون قالاسىنا جەتەدى. ءبىراق سيۋ كولىكتىڭ ەسىگىن اشقان كەزدە تىشقان ورنىنان قوزعالماستان قالىپتى. ونى كۇشتەپ تۇسىرۋگە ءداتى بارماعان ايەل بريتانياعا كەمىرگىشپەن قايتا ورالادى. تەك تاياۋدا عانا جاڭعاق كەمىرگىشتى وتانىنا تاعى ءبىر رەت قايتارىپ كورمەك بولعان سيۋ ونى الىپ، فرانسيانى بەتكە الادى. ابىروي بولعاندا، بۇل جولى ءبارى ويداعىداي شىعىپ، وقىتۋشى بريتانياعا ءبىر ءوزى قايتتى. يىعىنان اۋىر تاس تۇسكەندەي بولعان سيۋ كوللار بىلاي دەپتى: «مەنىڭ باسىمنان وتكەن وسى ءبىر حيكايانى جۇرت ەستىسە، نە دەر ەكەن؟».

ايتا كەتۋ كەرەك، ول فرانسياعا شىققان ءاربىر ساپارىندا بوس ۋاقىتىن ايتپاعاندا، 300 فۋنت شىعىنداپ، ءارى-بەرى 1200 شاقىرىم جول جۇرگەن.

www.24.kz