پۋتين بۇرىنعى ايەلىمەن قارىم-قاتىناسى تۋرالى ايتتى

بۇل تۋرالى Wmj.ru حابارلادى.

مەملەكەت باسشىسى قولى كوبىنە-كوپ بوس بولا قويمايتىن ادام. ول ءوز ەلىنىڭ تۇرعىندارىنا جەكە ومىرىنە قاتىستى قۇپيالاردىڭ ءبارىن بىردەي ايتا بەرمەيدى.

ال جاقىندا رەسەي ليدەرى شەت ەلدىك جۋرناليستەرمەن كەزدەسكەن كەزىندە وسى قاعيدالاردىڭ ءبارىن اتتاپ ءوتىپ، بۇرىنعى جۇبايى ليۋدميلا پۋتينامەن قازىرگى قالىپتاسقان قارىم-قاتىناسى تۋرالى اڭگىمەلەپ بەردى. ولار 30 جىل وتاسقاننان كەيىن 2013 -جىلى اجىراسىپ كەتتى.

بۇرىنعى ەرلى-زايىپتىلار ءبىر-بىرىمەن سىيلاستىقتا ءجيى قارىم-قاتىناس جاساسىپ تۇرادى. ەكەۋىنەن تۋعان قىزدارىن ۆلاديمير ۆلاديميروۆيچ وتە جاقسى كورەدى، ولارمەن ءسات سايىن حابارلاسادى. تەلەفونمەن ءتۇننىڭ جارىمىنا دەيىن سويلەسىپ قالاتىنى بار.

پرەزيدەنت سونداي-اق ءوزىنىڭ جەكە ءومىرىنىڭ وتە جاقسى ەكەنىن دە تۇسپالداپ ءبىلدىرىپ قويدى. بۇدان بۇرىن ونىڭ باسپا ءسوز حاتشىسى پرەزيدەنتتىڭ جەكە ومىرگە كوپ ۋاقىت بولە المايتىنىن ايتىپ ەدى.