شىمكەنت يمامدارى قاسيەتتى مەرەكەنى بيزنەسكە اينالدىردى - ب ا ق

باسىلىم تىلشىلەرىنىڭ مالىمەتىنشە، قاسيەتتى رامازان ايىنىڭ باستالعان كۇنى شىمكەنتتەگى حاليفا ومار مەشىتىنە جۇزدەگەن ادام نارازىلىق ءبىلدىرىپ كەلگەن.

سويتسە، مەشىت تەرريتورياسىندا اۋىزاشار وتكىزۋ ءۇشىن مەشىت يمامدارى كەلگەن ءار ادامنان 1 مىڭ تەڭگە تالاپ ەتىپتى.

مەشىتكە كەلۋشىلەردىڭ ءبىرى جاقسىلىق ءشارىپوۆتىڭ ايتۋىنشا، جەرگىلىكتى تۇرعىنداردىڭ بىرىنە اۋىزاشار وتكىزۋگە رۇقسات بەرىلمەگەن. الايدا وبلىس يمامىنىڭ اتىنان كەلگەن ەكى ادام - ءبىر ايەل مەن ەر ادام ەگەر ءار ادام ءۇشىن مىڭ تەڭگەدەن اقشا تولەمەسە مەشىت تەرريتورياسىندا اۋىزاشار وتكىزۋگە رۇقسات بەرىلمەيتىنىن ايتقان.

«ونىڭ ۇستىنە ولار ءمازىردى وزدەرى جازادى ەكەن. ادامدار نارازى بولدى. الايدا ولار وزدەرىنىڭ اقشا تولەمەيتىنىن ايتتى، ويتكەنى ولاردا وبلىس يمامىنىڭ رۇقساتى بار»، - دەدى ءشارىپوۆ.

ال حاليفا ومار مەشىتىنىڭ باس يمامى نۇرعالي ەرىمبەتوۆ وسىنداي تاپسىرمانىڭ و ق و باس يمامىنان جازباشا تۇردە كەلگەنىن ايتىپ وتىر.

ونىڭ ايتۋىنشا، اۋىزاشارعا كىرۋ ءۇشىن تولەنەتىن اقشا قالا مەشىتتەرىنىڭ جوندەۋ جۇمىستارىنا جۇمسالادى. «مۇنىڭ ەش جاماندىعى جوق. وبلىس مەشىتىنىڭ قويعان ماقساتى دۇرىس. مۇندا ەشقانداي ماسەلە كورىپ تۇرعانىم جوق. مەن وسىنى عانا ايتقىم كەلەدى»، - دەدى ەرىمبەتوۆ.

ءوز كەزەگىندە و ق و باس يمامى احمەتجان كەرىمبەك وسى ماسەلەگە قاتىستى پىكىر ءبىلدىردى. «وسى ماسەلەدە نارازىلىقتار تۋاتىنىن بىلدىك. ءبىراق مۇنى قولعا الۋ كەرەك. مۇنىڭ بارلىعى قالىپتى جاعدايعا اينالۋى ءتيىس. ادامدار مۇنى ءتۇسىنۋى كەرەك. اۋىزاشار وتكىزۋ ءۇشىن جاقسى جاعداي جاساۋ كەرەك. مەندە مۇنداي تاپسىرما جوق. تەك اۋىز بەكىتكەندەر ءۇشىن سايكەس جاعداي جاساۋ. ماقساتىمىز وسى عانا»، - دەدى باس يمام.

الايدا، قالالىق مەشىتتەرگە كەلۋشىلەر مۇنى تۇسىنبەي، نارازىلىعىن ءبىلدىرۋدى جالعاستىرۋ ۇستىندە. ولار ءاربىر مەشىت وكىلىنىڭ ءسوزىن ۇيالى تەلەفون كامەراسىنا جازىپ الىپ جاتىر.