ۋگانداداعى ەڭ سۇرىقسىز ەر ادام سەگىزىنشى رەت اكە اتاندى - كەسكىن

سەبابي (ەڭ كورىكسىز) دەگەن لاقاپ اتپەن بەلگىلى گودفري باگۋما سيرەك كەزدەسەتىن دەرتكە شالدىققان، ونىڭ ءتۇرىنىڭ وزگەشە بولۋى دا سودان.

47 جاستاعى ۋگاندالىق پەن ونىڭ 30 جاستاعى ايەلى كەيت ناماندانىڭ قىزدارى دۇنيەگە كەلدى.

ناماندامەن كەزدەسپەي تۇرىپ ونىڭ ءبىرىنشى ايەلىنەن ەكى بالاسى بولعان. ءبىراق ول ايەلىنىڭ وزگە ەر اداممەن كەزدەسىپ جۇرگەنىن كورىپ، اجىراسقان. باگۋما ەكىنشى ايەلىمەن بالالارى تۋىلعانعا دەيىن ءتورت جىل بويى بىرگە تۇرعان.

«مەن ونىڭ تۋىستارىنىڭ ءبىزدىڭ بالامىز تۋىلعانشا مەنى كورگەندەرىن قالامادىم، سەبەبى ولار ايەلىمە مەنى تاستاپ كەتۋگە كەڭەس بەرە مە دەپ قاۋىپتەندىم. ول جۇكتىلىكتىڭ التىنشى ايىندا بولعاندا ءوزى كەتىپ قالدى. ءبىراق كەيىن قايتا ورالدى. ول ءوز تاعدىرىن قابىلدادى دەپ ويلايمىن»، - دەدى ول.

باگۋما ايەلىنە ءوز ءتۇرىن تاڭداپ الماعانىن جانە كەتكىسى كەلسە كەز كەلگەن ۋاقىتتا كەتە الاتىنىن ايتىپ ءتۇسىندىردى. ءسويتىپ ۋگانداداعى ەڭ سۇرىقسىز ەر ادام مەن ونىڭ ايەلى ۇيلەنۋ تويلارىن 2013 -جىلى جاسادى. ول كەزدە ەكەۋىنىڭ التى بالاسى بولعان. تۇڭعىش سابيلەرى 2008 -جىلى تۋىلىپتى.

ايتا كەتەيىك، باگۋما 2002 -جىلى ۋگانداداعى ەڭ سۇرىقسىز ەر ادام دەگەن تيتۋلعا يە بولدى. ول وتباسى ءۇشىن اقشا تابۋ ماقساتىندا جارىسقا قاتىستى. قازىر ول ءان سالىپ، ستەنداپ جاساپ، انشىلىگىمەن تابىس تاۋىپ ءجۇر.






kaz.tengrinews.kz