يسلام ءدىنىنىڭ دۇرىس تارالۋىنا قىزمەت ەتەتىن جاڭا گازەت جارىققا شىقتى

 دەپ حابارلايدى muslim.kz.

بۇگىندە ب ا ق سالاسىندا الەۋمەتتىك جەلىلەردىڭ، ينتەرنەت- باسىلىمداردىڭ ورنى ايرىقشا ەكەنى بەلگىلى. بۇل باعىتتا «Е-Islam»  پورتالى ءبىر جارىم جىل ىشىندە عالامتور كەڭىستىگىندە ءوز اۋديتورياسىن قالىپتاستىرىپ ۇلگەردى.

ءداستۇرلى ءدىني ۇستانىم مەن مەملەكەتتىڭ ىشكى تۇراقتىلىعىنا وڭ ىقپال ەتەرلىك رۋحاني باسىلىمداردىڭ قاجەتتىلىگىن بۇگىنگى كۇن كورسەتىپ وتىر. ەل مۇسىلماندارىن رۋحاني ورتاق تاجىريبە مەن تانىم تۇعىرناماسىندا بىرىكتىرۋ ماقساتىندا دۇرىس ءدىني ءبىلىم مەن سەنىمدى اقپارات، رۋحاني دارىستەر، تانىمدىق ماتەريالداردى كوپتەپ جاريالاۋ كۇن تارتىبىندەگى ماڭىزدى ماسەلەلەر قاتارىندا. ءدىني ساۋاتتىلىق ءوز كەزەگىندە ءدىن اتىن جامىلعان ەكسترەميزم، راديكاليزم سەكىلدى اعىمداردىڭ الدىن الۋعا وڭ ىقپالىن تيگىزبەك.

وسىنداي ماقسات- مۇددەگە ساي «Е-Islam»  رەسپۋبليكالىق رۋحاني- اعارتۋشىلىق گازەتى اپتاسىنا 1 رەت 8 بەتتىك كولەمدە باسىلىپ شىعاتىن بولدى.

 رەسپۋبليكانىڭ بارلىق مەشىتتەرى مەن ءدىني بىرلەستىك ورتالىقتارىنا تەگىن تاراتىلاتىن باسىلىم يسلام ءدىنىنىڭ دۇرىس تارالۋىنا قىزمەت ەتەدى.

باسىلىمنىڭ العاشقى سانى استانا قالاسىنا تاراتىلدى. الداعى ۋاقىتتا وڭىرلەردەگى سۇرانىسقا سايكەس رەسپۋبليكا كولەمىندە تارالادى.