ەلشى ج. تۇيمەبايەۆ تۇركيا ەلىنىڭ بۇرىنعى باسشىسى س. دەميرەلدىڭ وتباسىنا ق ر پرەزيدەنتىنىڭ كوڭىل ايتۋىن جەتكىزدى

تۇركيادا ەلدىڭ دامۋىنا باعا جەتپەس ۇلەسىن قوسقان تانىمال تۇرىك ساياساتكەرى مەن مەملەكەتتىك قايراتكەردىڭ قايتىس بولۋىنا بايلانىستى ءۇش كۇندىك ازا تۇتۋ جاريالاندى.

س. دەميرەلدىڭ رەزيدەنسياسىنا سونداي- اق، ت ر- دىڭ پرەمەر- ءمينيسترى احمەت داۆۋتوعلى، ت ر پارلامەنتىنىڭ سپيكەرى دجەميل چيچەك، ت ر باس شتابىنىڭ باستىعى نەدجدەت وزەر، س. دەميرەلدىڭ بۇرىنعى مينيسترلەرى مەن جاقتاستارى نامىك كەمال زەيبەك، يستەميحان تالاي، كوكسال توپتان، ت ر پالاتالار مەن بيرجالارى وداعىنىڭ ءتوراعاسى ريفات حيساردجىكلىوعلى جانە ەلدىڭ باسقا دا قوعامدىق- ساياسي قايراتكەرلەرى باردى.

تۇركيا پرەمەر- ءمينيسترى قىزمەتىندە بەس رەت بولىپ، جەتى جىل بويى پرەزيدەنتتىك لاۋازىمدى اتقارعان س. دەميرەل انكارا قالاسىندا 91 جاسىندا قايتىس بولدى.

س. دەميرەل قازاقستاندىق- تۇرىك قاتىناستارىنىڭ باستاۋىندا تۇردى، ق ر پرەزيدەنتى ن. نازاربايەۆ پەن س. دەميرەل باۋىرلاس سيپاتتا جاقسى قارىم- قاتىناستا بولدى.

قازاقستاندا دەميرەلدىڭ كوزى تىرىسىندە قازاق- تۇرىك ۋنيۆەرسيتەتىنە ونىڭ ەسىمى بەرىلگەن.

ق ر پرەزيدەنتى ن. نازاربايەۆتىڭ ت ر پرەزيدەنتى ر. ت. ەردوعان جانە تۇركيا حالقىنا جولداعان كوڭىل ايتۋ حاتىندا قازاقستان پرەزيدەنتى تەك تۇرىك حالقىنىڭ ەمەس، بۇكىل تۇركى الەمىنىڭ ماقتانىشى بولعانى، الەمدىك دەڭگەيدە كەڭىنەن تانىمال ساياسي جانە مەملەكەتتىك قايراتكەردىڭ قايتىس بولۋى تۋرالى سۋىت حاباردى ۇلكەن قايعىمەن قابىلداعانى اتاپ وتىلەدى.

«سۇلەيمان دەميرەلدى بەرىك ءارى سەنىمدى دوس رەتىندە قۇرمەتتەگەن ەدىم. ءبىز ءجيى كەزدەسىپ، پىكىر الماستىق، كوپتەگەن پايدالى ىستەردى باستادىق. قازاقستان بۇل ازاماتتى ءارقاشان اقىلدى جەتەكشى، دانا كوشباسشى، قازاقستان مەن تۇركيا ەلدەرىنىڭ اراسىنداعى باۋىرلاس قارىم- قاتىناستاردىڭ نىعايۋىنا ۇلكەن ۇلەسىن قوسقان تاريحي تۇلعالار اراسىندا كورنەكتى فيگۋرا رەتىندە ەستە ساقتاپ قالادى»، - دەلىنگەن جەدەلحاتتا.

 سول كۇنى ەلشى ج. تۇيمەبايەۆ پەن الماتى وبلىسىنىڭ اكىمى ا. باتالوۆ تۇركيا رەسپۋبليكاسى پارلامەنتىندە ەلدىڭ 9- پرەزيدەنتى سۇلەيمان دەميرەلمەن قوشتاسۋدىڭ رەسمي راسىمىنە قاتىستى. شارانىڭ بارىسىندا ج. تۇيمەبايەۆ پەن ا. باتالوۆ راسىمگە قاتىسقان ت ر پرەزيدەنتى ر. ت. ەردوعان مەن پرەمەر- مينيستر ا. داۆۋتوعلىعا كوڭىل ايتتى، دەپ حابارلادى ق ر- دىڭ تۇركياداعى ەلشىلىگىنىڭ باسپا ءسوز قىزمەتىنەن.