دەنيس تەن: الماتىداعى مۇزايدىن شوۋى ناعىز تەاترلاندىرىلعان كورىنىسكە اينالماق
«رەپەتيتسيامىزدىڭ العاشقى كۇنى ءساتتى ءوتتى، مەن ءۇشىنشى تاۋلىك قاتارىنان كوز ىلگەن جوقپىن، جۇمىس تىم كوپ. الايدا الداعى شوۋدىڭ «بولادىسى» ىنتالاندىرادى. بۇل بۇرىن-سوڭدى بولماعان تاماشا باعدارلاما! بۇگىن كانادادان كەلگەن قويۋشى رەجيسسەرىمىز شەي- لينن بۋرن اتاپ ايتقانداي، «مەن الەمدە بۇرىن مۇنداي يدەيالار جۇزەگە اسىرىلعان ەشقانداي شوۋدى كورمەدىم، ادەتتە شوۋلاردا تانىمال اۋەن اسىتىندا باعدارلامالار ۇيىمداستىرىلادى، ال سىزدەردىكى ناعىز تەاترلاندىرىلعان كورىنىسكە اينالۋدا».
سونداي-اق دەنيس تەن «شوۋدىڭ اشىلۋ سالتاناتىنا جاڭا مۋزىكا جازىلعانىن، ونىڭ ابستراكتىلى تۇردە قازاقتىڭ تانىمال حالىق ءانى ەنگىزىلگەن يننوۆاتسيالىق باعدارلاما» ەكەنىن اتاپ وتەدى.
«بۇل - بولاشاقتىڭ مۋزىكاسى. بۇل جەردە تاقىرىبى «بولاشاقتىڭ ەنەرگياسى» بولىپ تابىلاتىن EXPO-2017 ۇ ك- سىمەن ارىپتەستىگىمىزدى اتاپ وتكىم كەلدى. 20-21- ماۋسىمداعى شوۋعا كەلىڭىزدەر، وتە قىزىقتى بولادى»، دەپ جازادى وليمپيادا جۇلدەگەرى.
ەستەرىڭىزگە سالا كەتەيىك، الماتىداعى مۇزايدىن سارايىندا مانەرلەپ سىرعاناۋدىڭ الەمدىك دەڭگەيدەگى جۇلدىزدارى ءوز ونەرلەرىن جۇرتشىلىق الدىندا پاش ەتپەك.
