عالامتوردان مىسىقتار تۋرالى بەينە جازبالاردى كورۋ كۇيزەلىستەن ارىلتادى - عالىمدار
زەرتتەۋشىلەر مىسىقتار تۋرالى تۇسىرىلگەن بەينەماتەريالداردىڭ تانىمالدىلىعىنا زەرتتەۋ جۇرگىزىپ كوردى: 2014- جىلى YouTube جەلىسىنە شامامەن 2 ميلليونعا جۋىق وسىنداي ۆيدەو سالىنعان، ولاردى 26 ميلليارد ادام تاماشالاعان. ياعني ستاتيستيكا بويىنشا، عالامتوردا مىسىقتار تۋرالى بەينەجازبالار اسا تانىمال. زەرتتەۋ ناتيجەسى كورسەتكەندەي، مۇنداي جازبالاردىڭ ادامدارعا تەراپيەۆتىك اسەرى بارى دا انىقتالدى.
زەرتتەۋگە 7 مىڭنان استام ادام قاتىستى. عالىمدار ولاردىڭ باستى كەيىپكەرى مىسىقتار بولىپ تابىلاتىن بەينەماتەريالداردى تاماشالاعان سوڭ ەموتسيالىق كۇيلەرىنىڭ قالاي وزگەرەتىنىن زەرتتەدى.
ناتيجەسىندە، ۆيدەودان بۇل جانۋارلاردى تاماشالاۋ ولارمەن تىرىدەي قارىم-قاتىناس جاساۋدان كەم تۇسپەيتىن اسەر بەرەتىنى انىقتالدى: زەرتتەۋگە قاتىسۋشىلاردىڭ كۇيزەلىسى ازايىپ، كوڭىل-كۇيلەرى جاقسارعان، ولار اشۋ-ىزا، تۇنجىراۋ نەمەسە مازاسىزدانۋ ءتارىزدى جاعىمسىز ەموتسيالاردى بارىنشا از سەزىنگەن، دەپ حابارلايدى شەتەلدىك ب ا ق.
