ورازانى نە بۇزبايدى؟

استانا. قازاقپارات - ورازا قانداي جاعدايدا بۇزىلمايدى؟ بۇل سۇراققا جاۋاپ تابۋ ءۇشىن قازاقستان مۇسىلماندارى ءدىني باسقارماسى تومەندەگىدەي ءپاتۋانى ۇسىنادى.

  1. ۇمىتىپ ءىشىپ- جەۋ ورازانى بۇزبايدى. ءبىراق ۇمىتقان ادام ەسىنە تۇسكەن كەزدە جەۋدى دەرەۋ توقتاتۋى كەرەك؛

2. اۋزىنا كەلگەن قاقىرىقتى جۇتۋ؛

3. تۇكىرىك نەمەسە مۇرىندى تارتۋ ارقىلى ءبىر نارسەنىڭ تاماققا كەتۋى؛

4. قۇلاققا سۋ كىرۋ، بۇلىق اعۋ؛

5. تەمەكى ءتۇتىنى نەمەسە توپىراق، شاڭ، ۇننىڭ توزاڭى، قاردىڭ ۇشقىنى، جاۋىننىڭ تامشىلارى تاماققا ەرىكسىز كىرسە، ورازا بۇزىلمايدى؛

 6. تىستەردىڭ اراسىندا قالعان تاماق قالدىقتارى نوقاتتان كىشكەنە بولسا، ونى جۇتۋ ورازانى بۇزبايدى؛

7. ەرىكسىز اۋىز تولى قۇسۋ نەمەسە ونىڭ ىشكە قايتا كەتۋى ورازانى بۇزبايدى؛

8. قان الدىرۋ نەمەسە سۇلىك سالدىرۋ؛

9. كوزگە، قۇلاققا ءدارى تامىزۋ؛

10. ميسۋاك نەمەسە ءتىس پاستاسىن قولدانۋ ورازانى بۇزبايدى. ءبىراق پاستاسى ىشكە كەتىپ قالسا بۇزىلادى. ەڭ ابزالى تاڭ نامازى كىرمەي تۇرىپ تىستەردى جۋۋ؛

11. ءتىس جۇلدىرۋ ورازاعا كەدەرگى جاسامايدى. ءبىراق جۇلدىرعان ۋاقىتتا اۋىزداعى قاندى ياكي ءدارىنى جۇتپاۋ شارت؛

12. اۋىز بەن مۇرىنعا سۋ الىپ شايقاۋ ورازانى بۇزبايدى. ءبىراق تاماققا كەتپەۋىن قاداعالاۋ قاجەت؛

13. دۋشقا جۋىنۋ، تەڭىزگە، كولگە ءتۇسۋ ورازانى بۇزبايدى. ءبىراق سۋ جۇتىپ قويۋدان ساقتانۋى كەرەك.

14. ۇيقىدان ءجۇنىپ بولىپ ويانۋ؛

15. ايەلىن ءسۇيۋ نەمەسە دەنەسىنە قولىن تيگىزۋى. مۇنداي جاعدايلاردا ەگەر ءماني شىقپاسا، ورازا بۇزىلمايدى؛

16. ايەلىنە قولىن تيگىزبەسە دە وعان قاراۋدان نەمەسە ءشاھۋاتىن قوزدىراتىن جاعدايلاردى ويلاپ ءماني شىقسا؛

17. تۇندە ءجۇنىپ بولىپ، عۇسىل الۋدى سارەسى ۋاقىتىنان كەيىنگە قالدىرۋ؛

baq.kz