بايلاردىڭ بالالارى قايدا وقيدى؟

استانا. قازاقپارات - ميلليونەرلەردىڭ بالالارى نەگىزىنەن شەتەلدە وقيدى.

 ساۋالنامالاردىڭ ناتيجەسى كورسەتكەندەي، وليگارحتار بالالارىن نەگىزىنەن ا ق ش (32 پايىزى) پەن بريتانيادا (32 پايىزى) وقىتقاندى ءجون سانايدى.

 سول ميلليونەرلەردىڭ تورتتەن ءبىرى عانا (24 پايىز) بالالارىن قازاقستاننىڭ ورتا مەكتەپتەرىندە وقىتۋدى ورىندى دەپ بىلەدى. ال تورتتەن ءۇش بولىگى بالالارى ورتا مەكتەپتىڭ ءوزىن شەتەلدە وقىعانى دۇرىس دەپ ەسەپتەيدى.

ولار كىمگە ەلىكتەيدى، كىمدى ءپىر تۇتادى؟

ولاردىڭ اتا- انالارى مەن بالالارى نەگىزىنەن ستيۆ دجوبسقا (17 پايىز) ەلىكتەيدى. ءبىر قۋانىشتىسى وتاندىق كۋميرلەر دە پايدا بولا باستاپتى: ساۋالناماعا قاتىسقانداردىڭ 9 پايىزى «كازكوممەرتسبانكتىڭ» نەگىزىن سالعان وتانداسىمىز نۇرجان سۇبحانبەردينگە ەلىكتەيدى.

بوس ۋاقىتىن قالاي وتكىزەدى؟

وليگارحتاردىڭ 13 پايىزى بوس ۋاقىتىن وتباسىندا وتكىزگەندى، ال 42 پايىزى سپورتقا ارناعاندى ءجون سانايدى. 6 پايىزى بوس ۋاقىتىن دوستارىنا، كىتاپ وقۋعا، ءتۇرلى ساياحاتتارعا ارنايدى.

قانداي سۋسىنداردى جاقسى كورەدى؟

ەلىمىزدىڭ ەڭ باي ادامداردىڭ 24 پايىزى سۋدى، 8 پايىزى قىمىزدى، تاعى 8 پايىزى ءشايدى دۇرىس كورەدى. ءبىراق، وليگارحتاردىڭ ەڭ جاقسى كورەتىن ىشىمدىگى شاراپ (28 پايىز) .

قانداي كيىم كيەدى؟

ساۋالناماعا قاتىسقانداردىڭ 50 پايىزىنىڭ سۇيىكتى برەندى جوق. 40 پايىزى يتالياندىق ماركالاردى  ۇناتادى.

قانداي كولىك مىنەدى؟

ءبىرىنشى ورىندا مەرسەدەس (47 پايىز) ، 11 پايىزى Toyota, 11 پايىزى BMW كولىكتەرىن ۇناتادى. قانداي تاماقتاردى ۇناتادى؟

ەلىمىزدىڭ ەڭ باي تۇرعىندارىنىڭ جارتىسىنا جۋىعى (43 پايىزى) قازاقى اسحانانى، قازاقى تاماقتاردى ۇناتادى. تاعى 10 پايىزى ازيا ەلدەرى مەن يتالياندىق اسحانانى دۇرىس كورەدى.

وليگارحتارىمىز مەكتەپتە قالاي وقىعان؟

ەلىمىزدىڭ ەڭ باي تۇرعىندارىنىڭ جارتىسىنا جۋىعى (47 پايىزى) مەكتەپتى ۇزدىك بىتىرگەن. بولاشاق وليگارحتاردىڭ 8 پايىزى مۇنايشى بولۋدى، ال 13 پايىزى ينجەنەر بولۋدى ارمانداعان. ءبىر ايتا كەتەتىن جايت بولاشاق وليگارحتار گۋمانيتارلىق سالانى ءوز بولاشاعى رەتىندە قاراستىرماعان ەكەن.

قاي ەل قازاقستان ءۇشىن ۇلگى بولا الادى؟

وليگارحتارىمىزدىڭ 32 پايىزى «قازاقستان سينگاپۋردىڭ جولىن قايتالاسا ەكەن» دەيدى. ال 12 پايىزى قازاقستان ءۇشىن ەڭ دۇرىس جول، دۇرىس ۇلگى ا ق ش دەپ سانايدى. ساۋالناماعا قاتىسقانداردىڭ 8 پايىزى وڭتۇستىك كورەيا مەن نورۆەگيانىڭ دامۋ جولى قازاقستان ءۇشىن ءتيىمدى دەپ سانايدى. وليگارحتاردىڭ ءبىرقاتارى قىتاي، تۇركيا، شۆەيتساريا، كانادا، يزرايل، فينليانديا جانە مالايزيانىڭ جولى قازاقستانعا ونەگە بولارلىق دەگەن وي بىلدىرگەن.

Nur.kz