قىتاي مەن اۆستراليا ەركىن ساۋداعا كوشپەك

استانا. قازاقپارات-  ون جىل بويى ەركىن ساۋدا جونىندە كەلىسسوزدەر جۇرگىزگەن قىتاي مەن اۆستراليا اقىرى ءبىر شەشىمگە كەلدى.

 قۇجاتقا جاسىل قۇرلىقتىڭ استاناسى كانبەررادا قول قويىلعان. تاراپتار بۇل كەلىسىم ەكى جاقتىڭ دا ەكونوميكالىق وسىمىنە سەپ بولاتىنىنا سەنەدى. سونىمەن قاتار ءبىرقاتار سەكتوردا سالىق سالۋ ءىسى جويىلىپ، سونىڭ ارقاسىندا جاڭا جۇمىس ورىندارى پايدا بولماق.

 ايتا كەتەيىك، قىتاي -  اۆستراليانىڭ ەڭ ءىرى ساۋدا سەرىكتەسى. بىلتىر ەكى اراداعى ساۋدا- ساتتىق 136 ميلليارد دوللاردان اسقان.

 گاو حۋچەن، قىتايدىڭ ساۋدا ءمينيسترى:

 - بۇل ەلىمىز قابىلداعان ەڭ ماڭىزدى ەكىجاقتى كەلىسىم بولىپ وتىر. ەندى سونىڭ ارقاسىندا ءبىر- ءبىرىمىزدىڭ نارىعىمىزعا شىعۋعا بايلانىستى مۇمكىندىكتەر مولايا تۇسەدى.

www.24.kz