تىلشىلەر قازاقستان ارمياسىنىڭ بروندى تەحنيكاسىن جۇرگىزىپ كوردى - فوتو

 استانا. قازاقپارات - تانىمال ينتەرنەت- باسىلىمداردىڭ جۋرناليستەرىنە قازاقستان ارمياسىنىڭ اۆتوموبيلدەرىن قوزعالۋ كەزىندە باعالاۋ، ماشينانىڭ ءجۇرىسىن سەزىنۋ، تەگىس جانە جولسىز جولدا ونىڭ قابىلەتى مەن قوزعالىسىن تەكسەرۋگە ەرەكشە مۇمكىندىك جاسالدى،

 دەپ حابارلادى ق ر قورعانىس مينيسترلىگىنەن.

تىلشىلەر بروندى تەحنيكانىڭ Hummer جانە Cobra ەكى مودەلىن تەستىلەدى جانە ولاردىڭ بەرىكتىك دەڭگەيىنە شىنايى جاعدايدا كوز جەتكىزدى.

جۋرناليستەر اسكەريلەر جاتتىعىپ جاتقان استانا ماڭىنداعى 68665 اسكەري ءبولىمىنىڭ وقۋ- جاتتىعۋ بازاسىندا بولدى. تەست- درايۆتى وتكىزۋ كەزىندە اۆتوموبيلدىڭ تەحنيكالىق سيپاتتامالارىنا عانا ەمەس، وتىرعىزۋ كەزىندە جانە تولىق جاۋىنگەرلىك جاراقتاندىرۋدا ەكيپاج مۇشەلەرى وزدەرىن قالاي سەزىنەتىنىنە نازار اۋدارىلدى.

كوبرا (Cobra) برونەترانسپورتەرى -  «Otocar» تۇرىك كومپانياسىنىڭ كوپ نىسانالى جەڭىل قۇرىشتالعان دوڭگەلەكتى ماشيناسى. ماشينانىڭ قورابى قاڭقالى سىزبا بويىنشا ورىندالعان. وعان برونداۋ ەلەمەنتتەرى، كۇشتىك قۇرىلعى جانە ترانسميسسيا بەكىتىلەدى.

برونداۋ دارەجەسى 7,62 م م دەيىنگى كاليبرلى اتىس قارۋىنىڭ اتىسى مەن جارىلعىش قۇرىلعىلاردىڭ زاقىمداۋشى ەلەمەنتتەرىنەن ەكيپاج بەن تاسىمالداناتىن جەكە قۇرامدى قورعاۋدى قامتاماسىز ەتەدى. بۇل STANAG 4569 توپتاستىرىلۋى بويىنشا قورعاۋدىڭ 1-دەڭگەيىنە سايكەس كەلەدى. ماشينانىڭ بورتتارى مەن كورپۋستىڭ ارتقى بولىگىندە باقىلاۋ اسپاپتارى مەن اتىس ساڭىلاۋى ورنالاسقان. ول ارقىلى دەسانت جەكە قارۋىنان اتىستى جۇرگىزە الادى. جۋرناليستەر تەستىلەۋدەن وتكىزگەن ەكىنشى بروندى تەحنيكا Hummer ەكسترەمالدى دوڭگەلەكتى بروندى ترانسپورتەر بولدى. اۆتوموبيل سەنىمدى، جوعارى ءوتىمدى، ءتوزىمدى جانە امبەباپ بولىپ تابىلادى. بۇل ونى ازاماتتىق سەكتوردا دا پايدالانۋعا مۇمكىندىك بەرەدى. قازىرگى كەزدە HUMMER - الەمدەگى ەڭ ۇلكەن جول تاڭدامايتىن كولىك.