ا ق ش دوللارىنىڭ بەتىنە تۇڭعىش رەت ايەلدىڭ سۋرەتى بەينەلەنبەك

استانا. قازاقپارات - ون ا ق ش دوللارىنا العاش رەت ايەل سۋرەتى بەينەلەنبەك.

بۇل قۇرمەتكە كىم لايىقتى ەكەنىن امەريكالىقتاردىڭ وزدەرى تاڭداۋى ءتيىس.

بۇل تۋرالى تىلشىلەرگە ا ق ش قارجى ءمينيسترى دجەيكوب ليۋ حابارلادى، دەپ جازادى ت ا س س.

«العاشقى بانكنوتتارىمىز اينالىمعا ەنگىزىلگەن كەزدەن باستاپ ۆاليۋتالىق كۋپيۋرالارداعى بەينەلەردى تەك بىرنەشە رەت اۋىستىردىق، مەن جاڭا «وندىقتاردىڭ» ءجۇز جىلدان استام ۋاقىت وتكەننەن كەيىن العاش رەت ايەل بەينەسى سالىنعالى تۇرعانىن ماقتان ەتەمىن»، - دەدى ول.

ناقتىراق ايتقاندا، 2020 -جىلى ا ق ش كونستيتۋتسياسىنا ايەلدەرگە داۋىس بەرۋ قۇقىعىن بەرگەن 19- تۇزەتۋ ەنگىزىلگەنىنە ءجۇز جىل تولادى. ليۋ بانكنوتتار وسى كەزدە، سول زاڭنىڭ قۇرمەتىنە شىعارىلاتىنىن ايتتى.

بۇگىندە 10 دوللارلىق بانكنوتتا پرەزيدەنت دجوردج ۆاشينگتوننىڭ تۇسىندا ا ق ش قارجى ءمينيسترى بولعان الەكساندر گاميلتون بەينەلەنگەن.