ۇيالى تەلەفونداعى «ۋاتساپپ» باعدارلاماسىنىڭ پايداسىنان گورى زيانى وراسان

استانا. قازاقپارات - ماسەلەن جەتكىنشەكتەردىڭ جاس ەرەكشەلىگىنە ساي كەلمەيتىن، ادامنىڭ پسيحولوگياسىنا نۇقسان كەلتىرىپ، ءتارتىپ پەن تاربيەنى تەجەيتىن تالاي اقپارات ەش بوگەتسىز تاراپ، اسىرەسە بالالاردىڭ ساناسىن ۋلاۋدا.

 «WhatsApp» - سمارتفوندارعا ارنالعان بايلانىس باعدارلاماسى. 2009 -جىلى ا ق ش-تا ويلاپ تابىلعان. قازىر الەمنىڭ ءبىرقاتار ەلدەرىندە قولدانىستا. وزگە الەۋمەتتىك جەلىلەردەن قولدانىلۋى جاعىنان الدەقاشان اسىپ تۇسكەن.

ويتكەنى ول ارقىلى تەگىن قوڭىراۋلار شالىپ، كەلتەحاتتار، سۋرەتتەر، اۋديو جانە بەينەفايلداردى ەركىن الماساسىز. بالانىڭ «WhatsApp» ارقىل نەنى كورىپ جۇرگەنىن كۇندەلىكتى اتا-اناعا باقىلاۋ قيىنداۋ. ادامنىڭ جانى تۇرشىگەتىن قاتىگەزدىك، ارسىزدىققا تاربيەلەيتىن، ارانداتۋشىلىق تۋدىراتىن تالاي بەينەجازبالار، تەلەفونداردا ءورىپ ءجۇر. «بالانىڭ ساناسىن ۋلاپ، كەرى تاربيە بەرەتىن مۇنداي ماسەلەگە ءمان بەرەتىن كەز جەتتى»، - دەيدى پسيحولوگتار.