09:23, 18 - ماۋسىم 2015 | GMT +5
رامازان ايىنا بايلانىستى سوتتالۋشىلارعا كەشىرىم بەرىلدى
استانا. قازاقپارات - مىسىر پرەزيدەنتى ابدەل فاتتاح اس-سيسي قاسيەتتى رامازان ايىنىڭ باستالۋىنا وراي 165 سوتتالۋشىعا كەشىرىم بەردى، - دەپ حابارلايدى ر ي ا نوۆوستي.
كەشىرىم العانداردىڭ ىشىندە شەرۋ تۋرالى زاڭدى بۇزعاندار بار. 2013 -جىلدىڭ شىلدەسىندە يسلامشى-پرەزيدەنت مۇحاممەد ءمۇرسي بيلىكتەن كەتىپ، ەل اۋماعىندا قاندى قاقتىعىسقا اكەلگەن نارازىلىق اكسيالارى بولعان ەدى.
2013 -جىلدىڭ قاراشاسىندا قابىلدانعان شەرۋ تۋرالى زاڭ ەلدەگى نارازىلىق اكسيالارىنا توسقاۋىل بولدى، دەگەنمەن بيلىك ەلدىڭ ىشىندەگى تىنىشتىقتى ساقتاۋ ماقساتىندا قۇرىلعان جاڭا زاڭدى تاجىريبە رەتىندە عانا قولداندى. حالىقارالىق قۇقىق قورعاۋ ورگاندارى زاڭدى تىم قاتاڭ ءارى ازاماتتاردىڭ بوستاندىعىن شەكتەۋگە الىپ كەلەدى دەدى.
ايتا كەتەيىك، بۇگىن دۇنيە جۇزىندەگى بارلىق مۇسىلمان ءۇشىن قاسيەتتى رامازان ايى تۋدى.
