09:14, 18 - ماۋسىم 2015 | GMT +5
قازاقستاننىڭ باسىم اۋماعىندا اپتاپ ىستىق بولادى
استانا. قازاقپارات - قازاقستاننىڭ باسىم ايماقتارىندا انتيتسيكلون ىقپالىمەن اۋا رايى جاۋىن- اشىنسىز بولادى، تەك رەسپۋبليكانىڭ سولتۇستىگى مەن شىعىسىندا اتموسفەرالىق اعىمداردىڭ وتۋىنە بايلانىستى اۋا رايى قۇبىلمالى - جەكەلەگەن جەرلەردە جاۋىن جاۋىپ، كۇن كۇركىرەيدى، جەل تۇرىپ، كەي ايماقتاردا بۇرشاق جاۋۋى ىقتيمال، دەپ حابارلايدى قازگيدرومەت.
« قازگيدرومەت» ر م ك مالىمەتتەرىنە سايكەس، قوستاناي، شىعىس قازاقستان، كۇندىز جامبىل، وڭتۇستىك قازاقستان وبلىستارىندا 15-20 م/س جىلدامدىقپەن جەل كۇشەيەدى.
اتىراۋ، باتىس قازاقستان، قىزىلوردا، جامبىل وبلىستارى مەن اقتوبە، ماڭعىستاۋ، قوستاناي مەن وڭتۇستىك قازاقستان وبلىستارىنىڭ جەكەلەگەن جەرلەرىندە اپتاپ ىستىق كوتەرىلەدى.
اتىراۋ، وڭتۇستىك قازاقستان وبلىستارىنىڭ باسىم اۋماعىندا جانە باتىس قازاقستان، اقتوبە، قىزىلوردا، قاراعاندى، جامبىل جانە الماتى وبلىستارىندا ءورت قاۋىپتى جاعداي ساقتالادى.
