07:36, 18 - ماۋسىم 2015 | GMT +5
فۋتبول: «اقجايىق» باستى كەزدەسۋدىڭ الدىندا باس باپكەرسىز قالدى
ورال. قازاقپارات - فۋتبولدان قازاقستان چەمپيوناتى ءبىرىنشى ليگاسىندا ونەر كورسەتەتىن ورالدىڭ «اقجايىق» كومانداسىنىڭ باس باپكەرى سەرگەي ۆولگين ءوز وتىنىشىمەن قىزمەتىنەن كەتتى.
«اقجايىق» فۋتبول كلۋبىنان تۇسكەن مالىمەتكە قاراعاندا، تاراپتاردىڭ ءوزارا كەلىسىمى بويىنشا وسىنداي شەشىم قابىلدانعان. قازىرگى كەزدە كلۋب باسشىلىعى بۇل ورىنعا بىرنەشە ماماننىڭ كانديداتۋراسىن قاراستىرۋدا.
ايتا كەتەيىك، بيىل پرەمەر- ليگاعا قايتا ورالۋدى ماقسات ەتكەنمەن، «اقجايىق» ازىرگە التىنشى ورىندا عانا تۇر. كوماندا 21- ماۋسىم كۇنى ءبىرىنشى ليگادا كوش باستاپ كەلە جاتقان سەمەيدىڭ «سپارتاگىن» قابىلدايدى. ءسويتىپ باستى كەزدەسۋدىڭ قارساڭىندا «اقجايىق» باس باپكەرسىز قالىپ وتىر.
وسىعان دەيىن ءوز ويىندارىن «اقجايىق» فۋتبول كلۋبىنىڭ ستاديونىندا وتكىزىپ كەلگەن باتىس قازاقستاندىقتار ەندى پ. اتويان اتىنداعى ستاديوندا باق سىناپ كورمەك.
اۆتور: ەلجان ەرالى
