ەلىمىزدىڭ ەڭ ۇزدىك دارىگەرلەرى انىقتالدى

استانا. قازاقپارات - ق ر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ماماندارى جىل سايىن ماۋسىم ايىنىڭ ءۇشىنشى جەكسەنبىسىندە اتاپ وتىلەتىن مەديتسينا قىزمەتكەرلەرى كۇنى اياسىندا «كاسىبىنىڭ ۇزدىگى» رەسپۋبليكالىق بايقاۋىنىڭ قورىتىندىسىن شىعاردى، دەپ حابارلانعان ۆەدومستۆو سايتىندا.

بايقاۋعا ءوز اتالىمدارى بويىنشا وڭىرلىك بايقاۋلاردىڭ جەڭىمپازدارى بولعان قازاقستاننىڭ بارلىق وڭىرلەرىنىڭ مەديتسينا قىزمەتكەرلەرى قاتىستى. جەڭىمپازداردى ق ر د سءا د م، رەسپۋبليكالىق دەنساۋلىق ساقتاۋدى دامىتۋ ورتالىعى، مەديتسينالىق ۇيىمدار جانە ۇكىمەتتىك ەمەس ۇيىمداردىڭ وكىلدەرىنەن قۇرالعان ارناۋلى كوميسسيالار انىقتادى.

بايقاۋ بارىسىندا ءاربىر قاتىسۋشى ءوزىنىڭ كاسىبي قىزمەتى جونىندە ەسەبىن ۇسىنىپ، تانىستىرىلىم جاسادى. جەڭىمپازداردى انىقتاۋ بارىسىندا ولاردىڭ بىلىكتىلىك دەڭگەيى، جۇمىس وتىلدەرى، سالاعا قوسقان جەكە ۇلەسى ەسەپكە الىندى.

سونىمەن، ءار اتالىم بويىنشا جەڭىمپازدار دەپ تانىلعاندار:

«ۇزدىك دارىگەر» - پاۆلودار وبلىستىق بالالار اۋرۋحاناسىنىڭ تراۆماتولوگى باقىتبەك تەكىمانوۆ؛

«ۇزدىك اۋىل دارىگەرى» - ب ق و زەلەنوۆ ورتالىق اۋداندىق اۋرۋحاناسىنىڭ جالپى تاجىريبە دارىگەرى قارلىعاش اسقاروۆا؛

«ۇزدىك مەنەدجەر - دەنساۋلىق ساقتاۋ سالاسىنىڭ ۇيىمداستىرۋشىسى» - الماتى قالالىق 4№ كلينيكالىق اۋرۋحاناسىنىڭ باس دارىگەرى ءانۋار امانوۆ؛

«ۇزدىك مەيىرگەر» - قوستاناي قالالىق بالالار اۋرۋحاناسىنىڭ جانساقتاۋ جانە قارقىندى تەراپيا ءبولىمىنىڭ مەيىرگەرى وكسانا تكالەنكو؛

«ۇزدىك فەلدشەر» - الماتى قالالىق جەدەل مەديتسينالىق جاردەم قىزمەتىنىڭ باس فەلدشەرى قانات قۇرمانوۆ؛

«ۇزدىك دەنساۋلىق ساقتاۋ سالاسىنىڭ تاۋەلسىز ساراپشىسى» - اقمولا وبلىستىق اۋرۋحاناسىنىڭ وپەراتسيالىق بلوگىنىڭ مەڭگەرۋشىسى اسقار راشيتوۆ؛

«ۇزدىك ج و و وقىتۋشىسى» - سەمەي قالاسىنىڭ مەديتسينالىق مەملەكەتتىك ۋنيۆەرسيتەتىنىڭ ىشكى اۋرۋلار كافەدراسىنىڭ دوتسەنتى ليۋدميلا پيۆينا؛

«ۇزدىك كوللەدج وقىتۋشىسى» - رەسپۋبليكالىق مەديتسينالىق جانە فارماتسيەۆتيكالىق قىزمەتكەرلەردى دايارلاۋ جانە قايتا دايارلاۋ كوللەدجىنىڭ عىلىمي ادىستەمەلىك ورتالىعىنىڭ وقىتۋشىسى سۆەتلانا ساحيشيەۆا؛

«ۇزدىك تۇلەك» - استانا مەديتسينا ۋنيۆەرسيتەتىنىڭ تۇلەگى اناستاسيا روگوۆايا؛

«ۇزدىك عالىم» - قاراعاندى مەديتسينالىق ۋنيۆەرسيتەتىنىڭ عىلىمي-زەرتتەۋ ورتالىعىنىڭ ديرەكتورى ءىلياس ءازيزوۆ؛

«ۇزدىك سانيتار دارىگەر» - لاۋرا ناسىروۆا؛

«ۇزدىك پروۆيزور» - «جاڭامەد- پ ۆ» فارماتسيەۆتيكالىق كومپانياسىنىڭ ديرەكتورى ەۆگەني بولگەر.

«مەيىرىم» اتالىمىندا ك س ر و جانە قازاق ك س ر قۇرمەتتى دونورى، قان دوناتسياسى سانى جاعىنان الەمدە 2- ورىن الاتىن الەكساندر سكاكوۆسكي جەڭىمپاز بوپ تانىلدى.

بايقاۋدا ۇزدىك شىققاندار 19- ماۋسىمدا استاناداعى بەيبىتشىلىك جانە كەلىسىم سارايىندا وتەتىن مەديتسينا قىزمەتكەرلەرى كۇنىنە ارنالعان سالتاناتتى شارادا ماراپاتتالادى.