قۇرعاقشىلىقتىڭ كوپ ايەل الۋعا قانداي قاتىسى بار؟

استانا. قازاقپارات - ءۇندىستاننىڭ باتىسىنداعى ماحاراشترا شتاتى ون جىلدان بەرى قۇرعاقشىلىق زاردابىن تارتىپ كەلەدى.

قۋاڭشىلىق ايماقتا جاڭا ءۇردىس قالىپتاستىردى. اۋىل ماڭىنداعى زاۋىتتىڭ اۋىر جۇمىسىنان ۇيىنە قاجىپ قايتاتىن ەركەكتەر بىرنەشە ايەل الۋدى ادەتكە اينالدىرىپ الىپتى.

ءۇندى ەلىندەگى قۇرعاقشىلىق پەن كوپ ايەل الۋدىڭ اراسىندا قانداي بايلانىس بار؟ ءۇندى ەلىنىڭ باتىسىنداعى ماحاراشترا شتاتىنىڭ اۋىلى مەن ماڭىنداعى ايماقتارداعى 19 مىڭ ەلدىمەكەندە مۇلدە سۋ جوق.

دەنگالمال اۋىلىنداعى 2 قۇدىق وتە شالعايدا ورنالاسقان. ال ەرتەلى-كەش كۇنكورىس قامىمەن جۇمىستا بولاتىن وتاعاسىلارىنىڭ سۋ تاسۋعا ۋاقىتى جوق. سول سەبەپتى ەر ازاماتتار بۇل ماسەلەنىڭ ءتۇيىنىن كوپ ايەل الۋ ارقىلى شەشىپ وتىر.

مىسالى، 66 جاستاعى شاحارامنىڭ 3 قوساعى بار. ولاردىڭ ءبىرى بالالار مەن مالعا قاراپ، ءۇي شارۋاسىمەن شۇعىلدانىپ، قالعان ەكەۋى سۋ تاسيدى. ءبىراق ءۇندىستاندا كوپ ايەل الۋعا زاڭمەن تىيىم سالىنعان. بۇل شتاتتاعى حالىق سانى 112 ميلليوننان اسادى. سوندىقتان قۇدىق باسىندا كەزەك كوپ. ايەلدەر الىس جول جۇرەتىنى ءوز الدىنا كەزەگىن دە ءتۇنى بويى كۇتەدى.

كوپ ۋاقىتىن اپتاپ ىستىقتا وتكىزىپ ءارى اۋىر شەلەك تاسىعان نازىكجاندىلاردىڭ اۋىرىپ قالاتىن كەزى دە از ەمەس ەكەن.

تۋكي باگات، اۋىل تۇرعىنى:

- دەنەمىز اۋىرىپ، ارقامىزعا سالماق ءتۇسىپ، قاتتى قينالامىز. ءتۇنى بويى سىرتتا ۇزىن-سونار كەزەكتە تۇرىپ، تىنىس جولدارىمىزعا دا زاقىم كەلدى. بويىمىزدان ءال كەتىپ، قۇر سۇلدەرىمىز قالدى. ايەلدەردەن باسقا كوپتەگەن بالا دا ۇيلەرىنە سۋ تاسىپ، ءتۇرلى اۋرۋعا شالدىعىپ، ساباققا بارۋدان قالدى. شتات تۇرعىندارى اۋىزسۋ ماسەلەسىن شەشە الماي وتىرعان ۇكىمەتكە نارازى.

www.24.kz