الماتىدا جۇرگىزىلگەن قاتەرلى ىسىكتىڭ الدىن الۋ شارالارى ءوز ناتيجەسىن بەرە باستادى
بۇل تۋرالى قالانىڭ باس ونكولوگى ديليارا قايداروۆا باسپا ءسوز تۋرى بارىسىندا مالىمدەدى.
«بيىل ونكوناۋقاستاردى ەمدەۋگە بولىنەتىن قارجى كوبەيدى.
ادام ءولىمىنىڭ كورسەتكىشى %8 عا كەمىدى. بۇل - الەمدىك تەندەنتسيا. كوبىنە مۇنداي كورسەتكىش ەرتە انىقتاۋدىڭ ىقپالىنان بولىپ وتىر. بيىل پاتسيەنتتەردىڭ %63 ى اۋرۋدىڭ ءبىرىنشى، ەكىنشى كەزەڭدەرىندە كەلدى. بۇل ولاردىڭ جازىلىپ كەتۋ مۇمكىندىگىنىڭ مول ەكەندىگىن كورسەتەدى»، - دەدى د. قايداروۆا.
باس ونكولوگ اۋرۋدى ەرتە كەزدەن انىقتاۋعا ەلدەگى سكرينينگتىك باعدارلامالاردىڭ كوپ سەرپىن بەرىپ وتىرعانىن اتاپ ءوتتى.
ونىڭ ايتۋىنشا، 10 جىل قاتارىنان ايەلدەر اراسىندا ءسۇت بەزى قاتەرلى ىسىگى، ەرلەر اراسىندا قۋىق بەزى قاتەرلى ىسىگى كوش باستاپ تۇر.
ديليارا قايداروۆا ورتالىقتاعى زاماناۋي ەمدەۋ تەحنولوگياسىمەن دە تانىستىرىپ ءوتتى.
«بۇل ينتراوپەراتسيالىق ساۋلەلىك تەراپيا اپپاراتى. ول ءتۇرلى كەسەلدى ىسىكتەردى ەمدەۋدە ءوز تيىمدىلىگىن كورسەتتى. كوپتەگەن وتا لاپوروسكوپيالىق جولمەن جاسالادى. بۇل دا ءبىزدىڭ ورتالىعىمىزدىڭ ۇلكەن جەتىستىگى»، - دەدى ول.
اۆتور: گۇلميرا عوسمانالي
