ق ر قارۋلى كۇشتەرى وقۋدىڭ ۇزدىك وفيتسەرلەرىمەن تولىقتىرىلىپ جاتىر

استانا. قازاقپارات - قازاقستان مەن شەتەلدىڭ بارلىق ءبىلىم بەرۋ اسكەري مەكەمەلەرىندە وقۋ جىلى اياقتالىپ كەلەدى.

رەسەي فەدەراتسياسىندا ءبىلىم العان اسكەري جوعارى وقۋ ورىندارىنىڭ تۇلەكتەرى - قازاقستاندىق كۋرسانتتار قازىر قاتىناس قاعازدارىن الىپ، قىزمەتكە تارتىلادى، دەپ حابارلايدى Bnews.kz.

ارتيللەريانىڭ باس مارشالى ن. ن. ۆورنوۆ اتىنداعى پەنزا ارتيللەريالىق ينجەنەرلىك ينستيتۋتىنىڭ تۇلەگى، ۇزدىك ديپلوم يەسى لەيتەنانت ءاليحان بازاربايەۆ قاتىناس قاعازىن الىپ، ق ر ق ك قۇرلىق اسكەرلەرىنە قىزمەت ەتۋگە جىبەرىلەدى.

«مەنىڭ وتباسىم: انام، اكەم جانە اعام - اسكەري ادامدار، مەن كىشكەنتاي كەزىمنەن اسكەري بولۋعا تالپىنىپ كەلەمىن. مەن ءارى قاراي ەلىمە قىزمەت ەتكىم كەلەدى. اسكەري جوعارى وقۋ ورنى ادامنىڭ وي-ءورىسىن دامىتادى. ويتكەنى، اناعۇرلىم جاۋاپتى ءارى جيناقى بولاسىڭ، «ءومىر مەكتەبى» ساتىسىنان وتەسىڭ. قازاقستاندىق كۋرسانتتار وزدەرىنىڭ ونەگەلى تارتىبىمەن ەرەكشەلەنەدى، بىزدەگى ءبىلىم دەڭگەيى جوعارى»، - دەيدى تۇلەك.

«مەن بالا كەزىمنەن اسكەري بولعىم كەلدى، ويتكەنى، مەنىڭ اكەم اسكەري ادام. ەندى وتان الدىنداعى بورىشىمدى وتەپ، قازاقستان رەسپۋبليكاسىنا قىزمەت ەتكىم كەلەدى. ق ر قارۋلى كۇشتەرىنىڭ اسكەري قىزمەتشىسى اتاعىن، يىقبەلگى تاعۋدى ابىروي دەپ ەسەپتەيمىن»، - دەيدى مارشال ا. ي. پروشلياكوۆ اتىنداعى تيۋمەن جوعارى اسكەري-ينجەنەرلىك كوماندالىق ۋچيليشەسىنىڭ تۇلەگى لەيتەنانت دالەر ابدۋللويەۆ.

جاس اسكەري ينجەنەرلەر جاقىن ارادا قازاقستانعا ورالدى جانە ق ر قارۋلى كۇشتەرىندە اسكەري قىزمەت ەتۋگە رەسمي تۇردە كىرىسەدى.