11:25, 17 - ماۋسىم 2015 | GMT +5
تاتارستاننىڭ تۇڭعىش پرەزيدەنتى قازاقستاننىڭ دامۋىن جوعارى باعالادى
استانا. قازاقپارات - تاتارستاننىڭ تۇڭعىش پرەزيدەنتى مينتيمەر شايميەۆ ۇلتتىق ارناعا ەكسكليۋزيۆتى سۇحبات بەردى مينتيمەر شايميەۆ ەلىمىزدىڭ وسى ۋاقىتقا دەيىنگى دامۋىن جوعارى باعالادى.
قازاقستان - قىسقا مەرزىمدە زور تابىسقا جەتكەن مەملەكەت. بۇل كورەگەن باسشى مەن ونىڭ باتىل باستامالارىن ءبىراۋىزدان قولداعان دانا حالىقتىڭ ارقاسى.
ۇلتتىق ارناعا ارنايى سۇحبات بەرگەن تاتارستان رەسپۋبليكاسىنىڭ بۇرىنعى پرەزيدەنتى، قازىرگى مەملەكەتتىك كەڭەسشىسى مينتيمەر شايميەۆ وسىنداي پىكىر ءبىلدىرىپ، ەلىمىزدىڭ وسى ۋاقىتقا دەيىنگى دامۋىن جوعارى باعالادى. تاتارستاندى 20 جىلعا جۋىق باسقارعان كورنەكتى تۇلعانىڭ قازاقستانعا، ونىڭ پرەزيدەنتىنە دەگەن ىقىلاسى ەرەكشە.
«ءبىز كورشى ءارى باۋىرلاس قازاقستاننىڭ قالاي دامىپ جاتقانىنا بەيجاي قاراي المايمىز. مەن الەمدەگى ەڭ دامىعان 50 ەلدىڭ قاتارىنا قوسىلۋ تۋرالى مىندەتتىڭ مەرزىمىنەن بۇرىن ورىندالعانىن بىلەمىن. بۇل ايتۋعا وڭاي بولعانىمەن، ءىس جۇزىندە تاۋەكەلى زور، ۇلكەن سىناق بولدى»، دەيدى ساياساتكەر.
«قازاقستان»
