دانيا جاعالاۋىنان وتە سيرەك جانۋار، تەڭىز دوڭىزى تابىلدى - كەسكىن

 استانا. قازاقپارات - دانيا جاعالاۋىنان وتە سيرەك جانۋار تابىلدى. عىلىمي تىلدە اق تەڭىز دوڭىزى اتالاتىن بۇل جانۋاردى ادامدار سوڭعى 1 عاسىردا نەبارى 15 رەت كەزدەستىرگەن.

 بۇل تۋرالى epochtimes.ru سايتىنا سىلتەمە جاساپ، www.24.kz حابارلادى.

 تەڭىز جانۋارى كوزدەن تاسا بولۋدىڭ شەبەرى بولىپ شىقتى. عىلىمي مالىمەتتەرگە سايكەس، ولار وتكەن عاسىردىڭ تەك 1911, 1928, 1929, 1937 جانە 1988 -جىلدارى عانا ۋكراينا، يرلانديا، شوتلانديا مەن دانياداعى كوك ايدىننان بايقالعان. ال ەڭ سوڭعى رەت ول وسىدان 8 جىل بۇرىن سان- فرانسيسكوداعى كوپىردىڭ استىنان بوي كورسەتىپتى. بيولوگتاردىڭ ايتۋىنشا، تەڭىز دوڭىزى جۇرتتى ەرەكشە قىلىعىمەن دە تاڭ قالدىرعان. سەبەبى ادەتتە جاسىرىنىپ جۇزەتىن سۇتقورەكتى بۇل جولى ءوزىن بەينەگە تۇسىرگەن كەمەگە جاقىنداپ كەلىپ، سۋدا ەمىن- ەركىن ويناعان ەكەن.