21:52, 16 - ماۋسىم 2015 | GMT +5
اقتاۋدا «سكات» اۋەكومپانياسىنىڭ ۇشاعى ورتەنىپ كەتتى - كەسكىن
استانا. قازاقپارات - اقتاۋ حالىقارالىق اۋەجايىندا «سكات» كومپانياسىنىڭ VSV(DV) -742 رەيسىن ورىنداعان ۇشاعى وتقا ورانعانى تۋرالى ۆيدەو الەۋمەتتىك جەلىلەردە جاريالانا باستادى.
ناقتىراق ايتقاندا، بۇگىن استانادان ساعات 18:18-دە ۇشىپ كەلگەن ۇشاق اۋەجايدا ورتەنىپ كەتتى.
جەرگىلىكتى lada.kz سايتىنىڭ مالىمەتىنە سۇيەنسەك، توتەنشە جاعداي ۇشاق كەلىپ قونعاننان كەيىن، ۇشۋ- قونۋ الاڭىندا بولعان. ەكيپاج مۇشەسى نەمەسە تەحنيكالىق قىزمەت كورسەتۋشىلەر تاراپىنان جاسالعان ارەكەتتەن كەيىن ۇشاق جانا باستاعان. ءورت بىردەن ءسوندىرىلدى.
زارداپ شەككەندەر تۋرالى اقپارات جوق.
