قۇرامىنان قورعاسىن تابىلعان كەسپەنىڭ قورى جويىلماق

استانا. قازاقپارات - Nestle كومپانياسى ءۇندىستان بيلىگىنىڭ Maggi كەسپەسىنىڭ ساتىلۋىنا سالعان تىيىمىنان سوڭ قۇنى $50 ميلليوننان استام تۇراتىن اتالعان تاعام قورىن جويماق، دەپ حابارلايدى BBC.

ايتا كەتەيىك، ءۇندى بيلىگى بۇدان بۇرىن ەلدە كوپ تۇتىنىلاتىن اتالعان ماكارون ونىمدەرىن دەنساۋلىققا زيان دەپ تانىپ، Nestle كومپانياسىن ازىق-تۇلىك قاۋىپسىزدىگىن ساقتاماعانى ءۇشىن ايىپتاعان بولاتىن. كومپانيا بۇل تىيىمعا قاتىستى ماسەلەنى مۋمبايدىڭ جوعارعى سوتىندا داۋلاپ جاتىر.

بۇعان دەيىن ءۇندىستاننىڭ بىرنەشە شتاتىندا Maggi ونىمدەرىنىڭ قۇرامىنان مولشەردەن تىس قورعاسىن تابىلعانى تۋرالى جاريا ەتىلگەن سوڭ كومپانيا ءوز ونىمدەرىن دۇكەن سورەلەرىنەن الا باستاعان. سونداي-اق ءونىم قۇرامىنان ونىڭ قاپتاماسىندا كورسەتىلمەگەن ناتري گلۋتاماتى انىقتالعان.

Nestle باسشىسى پول بال زەرتحانالىق تەستىلەردى مۇقيات زەردەلەپ، ءوز ونىمدەرىن دۇكەن سورەلەرىنە قايتا قايتارۋعا نيەتتى.

جىلدام دايىندالاتىن بۇل كەسپە ءونىمى ءۇندىستان نارىعىنىڭ %80 ىن جاۋلاپ العان.