قازاقستانداعى ا ق ش ەلشىلىگى تەحنيكالىق اقاۋلارعا بايلانىستى ۆيزا بەرۋدى توقتاتتى
«قازىرگى ۋاقىتتا ا ق ش ەلشىلىگىندە كۇللى الەم بويىنشا پاسپورتتىق جانە ۆيزا جۇيەسىنە قاتىستى تەحنيكالىق اقاۋ ورىن الۋدا. بۇل پروبلەما ناقتى قانداي دا ءبىر ەلگە، ازاماتتىق نەمەسە ۆيزالىق سانات تۋرالى قۇجاتقا قاتىسى جوق. ءبىز قىسقا مەرزىمدە مۇنى جويۋعا، جۇيەنىڭ تولىق جۇمىس ىستەۋىن قالپىنا كەلتىرۋگە بار كۇشىمىزدى سالامىز» ، - دەلىنگەن قازاقستانداعى امەريكالىق ديپلوماتيالىق ميسسيانىڭ رەسمي سايتىندا جاريالانعان حابارلامادا.
استاناداعى ا ق ش ەلشىلىگى مەن الماتىداعى ا ق ش باس كونسۋلدىعى 2015 -جىلعى 9 - ماۋسىمداعى جانە ودان كەيىنگى تولتىرىلعان ا ق ش ۆيزاسىن الۋعا ءوتىنىشتى وڭدەي الماي وتىر. وسىعان بايلانىستى 9 - ماۋسىمدا نەمەسە ودان كەيىن يمميگراتسيالىق ەمەس DS-160 ۆيزالىق ساۋالنامانى تولتىرعان يمميگراتسيالىق ەمەس ۆيزاعا ءوتىنىش جاساعانداردىڭ سۇحبات ۋاقىتى كەيىنگە شەگەرىلگەندىگىن ەسكەرتەدى.
ديپميسسيا جۇمىسىن تولىق كولەمدە جاڭارتقاننان كەيىن ءتيىستى حابارلاما جاسايمىز، دەپ مالىمدەدى ەلشىلىكتەن.
