قايرات نۇرتاس تاعى دا داۋعا قالدى

استانا. قازاقپارات - «ءۇش جۇلدىز» تىڭدارماندارىنىڭ شىرقىن بۇزدى.

شىمكەنتتە 15- ماۋسىم كۇنى قايرات نۇرتاس، ەركىن نۇرجانوۆ پەن اسقار جۇنىسبەكوۆ كونسەرت بەرۋى ءتيىس بولاتىن.

الايدا، ەلگە بەلگىلى انشىلەردىڭ كەشى بولمايتىن بولدى. ناتيجەسىندە، حالىق شۋ شىعارىپ، ۇيىمداستىرۋشىلاردى ءتۇتىپ-جەي جازدادى.

ءۇش جۇلدىزدىڭ ءان كەشىن تاماشالاۋعا شىمكەنتتىكتەردەن بولەك وزبەكستاننان دا ات ارىتىپ كەلگەندەر بولدى. كونسەرت كورىپ، ءبىر سەرپىلەم دەگەن ولاردىڭ قۋانىشى سۋ سەپكەندەي باسىلدى.

نەمەرەسىن جەتەكتەپ، اپتاپ ىستىقتا سابىلىپ، اق جاۋلىقتى اجەلەردە كەلدى. ءار بيلەتىن 3500 تەڭگەگە ساتىپ العان ولاردىڭ انشىلەرگە دەگەن وكپەسى قارا قازانداي.

جينالعاندار اشۋعا بۋلىعىپ، شۋ شىعارىپ جاتقاندا، قايرات نۇرتاستىڭ پروديۋسەرىمەندە تىلدەستىك. گۇلزيرا حانىمنىڭ ايتۋىنشا، ۇلىنىڭ بۇل كەشكە قاتىسى جوق كورىنەدى. كەيىننەن بەلگىلى بولعانداي، باسى داۋعا قالعان «شاينۋس ستار» ۇيىمداستىرۋ ورتالىعىنداعىلار، بىردەن اقتالۋعا كىرىستى.

ولاردىڭ مالىمدەۋىنشە بيلەت وتپەي قالعان. تەلەارنالارعا جارناما بەرىپ، افيشا جابىستىرىپ، شىعىنعا شاش ەتەكتەن باتىپتى. سوندىقتان، كونسەرتتى اۋىستىرۋعا ءماجبۇر بولدىق دەيدى. ال، شۋ شىعارعان حالىقتان كەشىرىم سۇراپ، بيلەتتىڭ قۇنىن كورەرمەندەرگە قايتارىپ بەردى.

تاڭشولپان نىشانباي

dl2.archiveshare.net