14:08, 16 - ماۋسىم 2015 | GMT +5
قازاقستاندىق شەنەۋنىكتەر قىزمەتتىك كولىكتەردى ءارتۇرلى باعامەن ساتىپ العان
استانا. قازاقپارات - قازاقستاندىق شەنەۋنىكتەر مەملەكەتتىك قىزمەتكە قاجەتتى اۆتوكولىكتەردى ءارتۇرلى باعامەن ساتىپ الۋدا. كولىك باعالارىنىڭ ايىرماشىلىعى 40 پايىزعا دەيىن جەتكەن دەپ جازادى كاپيتال.
قارجى مينيسترلىگىنىڭ ارنايى جۇمىس توبى ۇلتتىق قور مەن مەملەكەتتىك بيۋدجەتتەن بولىنگەن قارجىنىڭ بارلىق باعدارلامالار بويىنشا يگەرىلۋىن قاداعالاپ وتىر.
«جۇمىس توبى بىردەي اۆتوكولىكتەردىڭ قازاقستاننىڭ ءار ايماعىندا ءارتۇرلى باعاعا ساتىپ العانىن انىقتادى. وسىلايشا، ءبىر كلاستاعى كولىك باعالارىنىڭ ايىرماشىلىعى 40 پايىزعا دەيىن جەتتى»، - دەپ حابارلادى قارجى مينيسترلىگى.
اۆتوكولىكتەردى قىمباتقا ساتىپ العان ايماقتار ۇشتىگىنە جامبىل وبلىسى، شىعىس قازاقستان وبلىسى جانە اقمولا وبلىسى ەنىپ وتىر.
كولىك باعالارىنىڭ مەيلىنىشە قىمباتتاعان سالالارى - قۇقىق قورعاۋ ورگاندارى مەن دەنساۋلىق ساقتاۋ سالاسى، اكىمشىلىك-شارۋاشىلىق باسقارماسى (وبلىستار مەن اۋدان اكىمدەرىنىڭ اپپاراتى) دەپ ناقتىلاپ ءوتتى مينيسترلىك.
Nur.kz
