قازاقستاندىق قاري مالايزيادا وتكەن قۇران جارىسىندا العاشقى وندىققا كىردى
باسپا ءسوز قىزمەتىنىڭ مالىمەتىنشە، الەمنىڭ 60 تان استام مەملەكەتىنەن جينالعان قاريلار مالايزيا ەلىندە حالىقارالىق سىننان ءوتتى. وسىمەن 57- رەت ۇيىمداستىرىلعان مالايزيا حالىقارالىق قۇران جارىسى ءوز جەڭىمپازدارىن انىقتادى.
ەلىمىزدىڭ نامىسىن قورعاۋ ءۇشىن اتتانعان شوحان ۋاليەۆ ىرىكتەۋ سىنىنان سۇرىنبەي ءوتىپ، 4 كۇنگە سوزىلعان اقتىق سايىستا باق سىنادى. ول العاشقى وندىقتىڭ قاتارىنان تابىلدى.
«قازاقستان مۇسىلماندارى ءدىني باسقارماسى ماماندارىنىڭ سەنىمى مەن ەل ءۇمىتىن ارقالاپ مالايزياعا اتتانعان قازاقستاندىق قاريدىڭ فينالعا شىعۋى ۇلكەن جەتىستىك بولدى. قاسيەتتى قۇران جاتتاۋ مەن كوركەمدەپ وقۋ بويىنشا ەكى باعىتتاعى سايىسقا الەمنىڭ تۇكپىر-تۇكپىرىنەن ىرىكتەلگەن 100 دەن اسا حافيز- قاري جيىلىپ بىلىمدەرىن ساراپقا سالدى. ماۋسىمنىڭ 6-16 ارالىعىن قامتىعان حالىقارالىق بايگەدە قۇران كارىمدى بۇكىل ەرەجە- قاعيدالارىن ساقتاي وتىرىپ، جاتقا وقۋدىڭ ىرىكتەۋ سىنىنا قاتىسقان ۇمىتكەرلەردەن تەك 30 حافيز فينالعا ءوتتى»، - دەلىنگەن حابارلامادا.
ايتا كەتەيىك، مالايزيا استاناسى كۋالا- لۋمپۋردا وتكەن سايىس جەڭىمپازدارىن ماراپاتتاۋعا كورولدىڭ ءوزى كەلىپ، سىيلىقتاردى تابىس ەتتى. ءبىرىنشى ورىندى - كاتار، ەكىنشى - كۋۆەيت، ءۇشىنشى ورىندى تۋنيس مەملەكەتىنىڭ حافيزدەرى يەلەندى، ياعني الدىڭعى ورىندى اراب مەملەكەتتەرى ەنشىلەدى، ال سايىستا ت م د ەلدەرى اراسىنان قازاقستان عانا العاشقى وندىققا ەندى.
