گولوۆكين - ءاي ۋورد، ءتىلىڭ مەن جاعىڭا سۇيەنبەي، جايىڭا ءجۇر
مۇنىڭ الدىندا ۋورد بۇدان بىلاي قازاقستاندىق بوكسشى جايلى ەستىگىسى كەلمەيتىنىن مالىمدەگەن بولاتىن. بۇعان سەبەپ - گولوۆكيننىڭ كومانداسى اۋەلى جەكپە-جەك وتكىزۋگە ۇسىنىس جاساپ، جەمە-جەمگە كەلگەندە باس تارتۋى دەگەن ەدى امەريكالىق بوكسشى.
«ءاي ۋورد، ەسىڭدى جي! وسى ايتقان سوزدەرىڭە جاۋاپ بەرە الاسىڭ با؟ مەنىڭ داڭقىمدى پايدالانىپ، اتىڭدى شىعارعاندى دوعار. ەر ازامات بولساڭ، НВО- داعى جيىندا نە ايتقانىڭدى مويىندا. «شارشى الاڭدا جولىعۋعا دايىنسىڭدار ما؟» دەپ سۇراق قويعاندا، «جوق» دەپ جاۋاپ بەرگەن سەن ەمەس پە ەدىڭ؟! كوپ بولدى، سەنىمەن جەكپە-جەك وتكىزۋگە ەشكىمنىڭ قىزىعۋشىلىق تانىتپاي وتىرعانى جاسىرىن ەمەس. سول سەبەپتى، ساعان ايتايىن بىرەۋدىڭ اتىن پايدالانىپ، ءوزىڭدى جارنامالاعاندى دوعار. سوسىن، كىممەن بوكستاسىپ جۇرگەنىڭە دە ءبىر قاراپ قوي، وزىڭە قارسىلاس رەتىندە انگليانىڭ ءتورتىنشى-بەسىنشى ءنومىرلى بوكسشىلارىن جيناپ العانسىڭ. كوتەرە المايتىن شوقپاردى بەلىڭە بايلاما! ەگەر مەن ورتا سالماقتاعى كەز كەلگەن بوكسشىمەن كەزدەسۋگە دايىنمىن دەسەم، سوزىمە جاۋاپ بەرەمىن. ءتىپتى، لايىقتى قارسىلاستارمەن كەزدەسۋ ءۇشىن 168 فۋنتقا كوتەرىلۋگە دە بارمىن. ال سەنى جەلكەمنىڭ شۇقىرى كورسىن. سەنىڭ ەندى ەركەك رەتىندە دە، بوكسشى رەتىندە دە مەنىڭ الدىمدا قادىرىڭ قالمادى»، - دەپ مالىمدەدى گولوۆكين.
