تۇڭعىش رەت مۇسىلمان قىزى ەۆەرەستى باعىندىردى
24 جاسار سامينا الەمنىڭ ەڭ بيىك نۇكتەسىن ايەلدەردىڭ دە باعىندىرا الاتىنىن كورسەتكىسى كەلگەن ەكەن. ارمانىنا قول جەتكىزگەن ول شىڭ باسىنا ءوز ەلىنىڭ تۋىن ماقتانىشپەن قاداعانىن ايتادى.
سونداي-اق، ونىڭ بۇل قاتەرلى ساپارى شاريعات تالاپتارىنا تولىقتاي ساي جاسالعان. الپينيس قىزدىڭ ساپارلاس سەرىگى رەتىندە وزگە ەمەس، تۋعان اعاسى مىرزا ءالي اتتانعان.
«سول ساتتەگى سەزىمدى سۋرەتتەپ جەتكىزۋ مۇمكىن ەمەس. مەن ءوزىمنىڭ اعاممەن بىرگە شىڭ باسىنا ايەلدەردىڭ ءالسىز ەمەس ەكەنىن، قاجەت جاعدايدا نازىكتىگىن قايسارلىققا ايىرباستاي الاتىنىن دالەلدەۋ ءۇشىن شىقتىم. ساپارىمىزدىڭ باستى ماقساتى دا وسى بولاتىن»، - دەيدى سامينا.
تاۋدىڭ ۇشار باسىنا جەتۋگە از عانا قالعاندا، مىرزا ءالي قارىنداسىن ارى قاراي جالعىز جىبەرگەن كورىنەدى. بۇل ونىڭ شىڭدى باعىندىرعان العاشقى مۇسىلمان قىزى دەگەن اتاقتىڭ ەرتەڭگى كۇنى ەشبىر داۋسىز بولۋىن ويلاعان بولسا كەرەك.
