جولدا توگىلگەن انتيفريز ادام سوعىپ كەتكەن جۇرگىزۋشىلەردى تابۋعا كومەكتەستى

تالدىقورعان. قازاقپارات - الماتى وبلىستىق ءى ءى د باسپا ءسوز قىزمەتىنىڭ اقپاراتىنشا، تالدىقورعان پوليتسەيلەرىنىڭ مۇقيات قاراۋى جانە ارەكەتتەرىنىڭ جىلدامدىعى ارقاسىندا جاياۋ جۇرگىنشىنى كولىكپەن قاعىپ كەتۋ فاكتىسىن اشۋعا كومەكتەستى.

ماۋسىمنىڭ 14 نە قاراعان تۇنىندە تالدىقورعاننىڭ شەتىندە ورنالاسقان «وتەناي» شاعىناۋدانىنىڭ قاسىندا جول-كولىك اپاتى كەزىندە قازا تابۋ بەلگىلەرى بولعان ەگدە جاستاعى ايەلدىڭ دەنەسى تابىلدى.

وقيعا ورنىن قاراۋ كەزىندە ساراپشىلار جول اپاتى ەكى كولىكتىڭ قاتىسۋىمەن بولعانىن انىقتادى. بۇدان باسقا، ءتارتىپ ساقشىلارى اسفالتتا توگىلگەن انتيفريز داعىن بايقاعان، ول تەسىلىپ قالعان رادياتوردان اعىپ كەتۋى مۇمكىن.

«پوليتسەيلەر جولدا توگىلگەن سۇيىقتىقتىڭ ىزىمەن ءجۇرىپ، كوپ ۇزاماي «وتەناي» شاعىناۋدانىنداعى جەكەمەنشىك تۇرعىن ۇيگە كەلدى. ءۇيدىڭ گاراجىنان قۇقىق قورعاۋشىلار جول- كولىك وقيعاسىنىڭ بەلگىلەرى بولعان «مەرسەدەس» پەن «فولكسۆاگەن گولف-3» كولىكتەرىن انىقتادى.

سونداي-اق بۇل جەردە شەتەلدىك كولىكتەردىڭ ءبىرىنىڭ بۇلىنگەن بولىكتەرىن اۋىستىرۋمەن اينالىسقان ەكى يەسى ۇستالدى»، - دەپ اتاپ ءوتتى پوليتسيا قىزمەتىنەن.

بەلگىلى بولعانداي، زارداپ شەگۋشىنى اۋەلى ءبىر كولىك سوعىپ، كەيىن ول سول باعىتپەن كەلە جاتقان كەلەسى كولىكتىڭ استىنا تۇسكەن.

 قازىرگى ۋاقىتتا پوليتسەيلەر قازا تاپقان ايەلدىڭ تۇلعاسىن انىقتاپ جاتىر. اتالعان فاكتىمەن سوت الدىنداعى تەرگەۋ امالدارى باستالدى، ۇستالعان ەكى جۇرگىزۋشى ەشقايدا كەتپەۋ قولحاتپەن جىبەرىلدى.