09:22, 16 - ماۋسىم 2015 | GMT +5
يەمەندە ءال-كايدانىڭ كوسەمى ءولتىرىلدى
استانا. قازاقپارات - ءال-كايدا لاڭكەستىك ۇيىمىنىڭ اراب تۇبەگىندەگى كوشباسشىسى ناسىر ءال-ۆاحيشي وتكەن اپتانىڭ جۇماسى كۇنى ولتىرىلگەن. امەريكالىق اسكەريلەردىڭ اۋەدەن جاساعان شابۋىلىنان كەيىن سودىرلار ۇلكەن شىعىنعا ۇشىراعان بولاتىن دەپ جازادى CNN.
ال، ءال-كايدانىڭ وكىلدەرى بولسا كوسەمدەرىنىڭ شاھيد بولعانىن ايتىپ، ونىڭ ورنىن كاسم ءال-ريمي (ءابۋ حارەيرا اس-ساناني) ەسىمدى اسكەري قولباسشىنىڭ باسقانىن تۆيتتەر ارقىلى حابارلادى.
قازىرگى تاڭدا امەريكالىق اسكەريلەر ءال-ۆاحيشيدىڭ ولىمىنە كوز جەتكىزۋ ءۇشىن ءبىرقاتار شارالاردى قولعا العاندىعىن مالىمدەدى.
ايتا كەتۋ كەرەك، ءال-كايدا ۇيىمىندا ءال-ۆاحيشي «ەكىنشى ادام» بولعان. ول نەگىزىنەن يدەولوگيالىق جۇمىستارمەن اينالىسىپ، سوڭىنان ەرۋشىلەردى ا ق ش- پەن كۇرەسۋگە شاقىرىپ كەلدى.
ءال-ۆاحيشي لاڭكەستىك ۇيىمنىڭ اراب تۇبەگىندەگى ءبولىمىن 2009-جىلدان بەرى باسقارىپ كەلدى. بۇعان دەيىن ول ۋساما بەن لادەننىڭ حاتشىسى بولعان.
Baq.kz
