ديەتولوگتار: اشىعۋ سەمىرۋ قاۋپىن ارتتىرادى
كەرىسىنشە، وسىنداي ءادىس ارتىق سالماقتىڭ پايدا بولۋىنا اكەلىپ، سەمىرۋ قاۋپىن جانە 2-ءتيپتى سۋسامىر مەن جۇرەك- قانتامىر اۋرۋلارىنىڭ قاۋپىن ارتتىرا تۇسەدى.
ادامنىڭ ميى اشىعۋ كەزەڭدەرىن ماي جيناۋ بەلگىسى رەتىندە قابىلدايدى، دەپ جازادى Kedem پورتالى. مەتابوليزم باياۋلاپ، باۋىر جاسۋشالارى قانتتى ىدىراتۋعا قاجەتتى ينسۋلين گورمونىنىڭ اسەرى توقتايدى، كەلەسى تاماقتانعاندا ازىقتىڭ قۇرامىنداعى قانت بىرتە- بىرتە مايعا وزگەرەدى. ماي بولسا، دەنە ءمۇسىنىن وزگەرتىپ قانا قويماي، كوپتەگەن ورگانداردىڭ جۇمىسىنا كەرى اسەرىن تيگىزەدى.
تىشقاندارعا جاساعان زەرتتەۋلەر كۇنىنە ءبىر رەت كالورياسى تومەن تاماق ىشكەن كەزدە جانۋارلار باسىندا سالماق تاستاعانىن، ءبىراق بىرنەشە رەت تاماقتانعاننان كەيىن ودان دا كوپ سالماق جيناعانىن كورسەتتى. بۇدان باسقا، ولاردىڭ بويىندا سۋسامىر ءقاۋپىن ارتتىراتىن ەڭ ءقاۋىپتى مايلار جينالدى.
عالىمدار قانداي جاعداي بولماسىن، كۇنىنە بىرنەشە رەت از پورتسيامەن تاماقتانۋدى كەڭەس ەتەدى.
