عالىمدار: جاڭعاقتاردى تاماققا پايدالانۋ ءبىرقاتار اۋرۋلاردان بولاتىن ءولىم قاۋپىن تومەندەتەدى
«ءولىمنىڭ ايتارلىقتاي تومەندەۋى كۇنىنە 15 گرامعا جۋىق جاڭعاق نەمەسە اراحيستى (شامامەن جارتى ۋىس) پايدالانعاننان كەيىن بايقالعانىن اتاپ ءوتۋ كەرەك. بۇل قورىتىندىنى سونداي-اق بۇرىن جاريالانعان زەرتتەۋلەردىڭ تالداۋى دا راستايدى»، - دەيدى نيدەرلاندىنىڭ مااستريحت ۋنيۆەرسيتەتىنىڭ قىزمەتكەرى پيت ۆان دەن براندت (Piet van den Brandt).
ۆان دەن براندت پەن ونىڭ ارىپتەستەرى جۇرگىزگەن زەرتتەۋ نەيرودەگەنەراتيۆتىك جانە رەسپيراتورلىق، وبىر جانە ديابەتكە شالدىققاندار اراسىندا جاڭعاق پەن جەرجاڭعاقتى ۇنەمى تاماققا پايدالانعانداردىڭ اراسىندا ءولىم از كەزدەسكەنىن كورسەتتى، الايدا جەرجاڭعاق مايى ءولىم دەڭگەيىنە ەش تيىمدىلىگىن تيگىزبەگەن.
جاڭعاقتار مەن جەرجاڭعاقتاردىڭ قۇرامىندا ادام دەنساۋلىعىنا وڭ اسەرىن تيگىزە الاتىن مايلى قىشقىلدار، دارۋمەندەر، تاعامدىق تالشىقتار مەن باسقا دا زاتتار بار. الايدا اراحيس مايىندا قۇرامىنداعى اراحيستىڭ پايداسىن جويىپ جىبەرە الاتىن مايلى قىشقىلداردىڭ زياندى ترانس- يزومەرلەرى مەن تۇز بار، دەپ شامالايدى عالىمدار.
زەرتتەۋ International Journal of Epidemiology جۋرنالىندا جاريالانعان.
