07:59, 16 - ماۋسىم 2015 | GMT +5
ىستىقكولدە قار جاۋىپ، جۇزدەگەن باس مال قىرىلىپ قالدى
استانا. قازاقپارات - ىستىقكول وبلىسىنىڭ اقسۋي اۋدانىندا قار جاۋىپ، 160 تان استام باس مال قىرىلىپ قالدى.
ونىڭ ىشىندە 150 قوي، 2 سيىر جانە 15 قوداس بار، دەپ حابارلايدى 24.kg قىرعىزستان توتەنشە جاعدايلار مينيسترلىگىنىڭ باسپا ءسوز قىزمەتىنە سىلتەمە جاساپ.
مۇندا جاۋعان قاردىڭ بيىكتىگى 50-60 سانتيمەترگە دەيىن جەتكەن. سونداي-اق سارى جاز جايىلىمىنا اپاراتىن جولدا وزەندەگى سۋ دەڭگەيىنىڭ كوتەرىلۋىنە بايلانىستى كوپىر بۇزىلعان.
وقيعا ورنىندا ازاماتتىق قورعانىس كوميسسياسى جۇمىس جاساۋدا.
