كوكشەتاۋدا سالىنىپ جاتقان جاڭا مەشىت تامىز ايىندا اشىلادى
بۇل تۋرالى بۇگىن قازاقستان مۇسىلماندارى ءدىني باسقارماسىنىڭ اقمولا وبلىسى بويىنشا وكىل يمامى قانات قىدىرميننىڭ قاتىسۋىمەن وتكەن باسپا ءسوز ءماسليحاتى بارىسىندا ايتىلدى.
بريفينگ بارىسىندا وبلىستىڭ باس يمامى قانات قويانبەك ۇلى رامازان ايى قارساڭىندا اتقارىلىپ جاتقان جۇمىستارعا توقتالىپ، ورازا ۇستاۋدىڭ تارتىپتەرى جونىندە تولىق اقپارات بەرەدى. سونداي-اق، رامازان ايىنىڭ قاسيەتى، ورازا ۇستاۋدىڭ ارتىقشىلىقتارى مەن حيكمەتتەرىنە توقتالدى. ونىڭ ايتۋىنشا، بيىلعى ءپىتىر ساداقا مولشەرى - 200 تەڭگە شاماسىندا.
«ءپىتىر ساداقانى رامازان ايىنىڭ باسىنان ايت نامازىنا دەيىن بەرۋگە بولادى. شىلدەنىڭ 13 نەن 14 نە قاراعان ءتۇنى ءقادىر ءتۇنى. 17- شىلدە كۇنى ورازا ايت مەيرامى باستالادى»، - دەيدى قانات قىدىرمين.
سونداي-اق، بارشا مۇسىلمان جاماعاتىن الاڭداتىپ وتىرعان جاڭا مەشىت قۇرىلىسى دا ءسوز بولدى. باس يمام ءوز سوزىندە: «جاڭا مەشىت اللا جازسا تامىز ايىندا اشىلادى دەپ جوسپارلاۋدامىز. مەشىت ناۋان حازىرەت بابامىزدىڭ اتىمەن اتالاتىن بولادى. قازىرگى وبلىستىق مەشىت ءوز جۇمىسىن جالعاستىرا بەرەدى. بيىلعى قاسيەتتى رامازان ايى بارلىعىمىزعا جاقسىلىق اكەلسىن»، - دەدى ول.
اۆتور: اسلان وسپانوۆ
