جەردى قاشىقتىقتان زوندتايتىن جەر سەرىگى ەل مەنشىگىندە
تۋلۋزادا دايىنداۋشى كومپانيا (Airbus Defence and Space فرانسۋز كومپانياسى) تاپسىرىس بەرۋشى - قازاقستاندىق «قازاقستان عارىش ساپارى» ۇ ك» ا ق جوعارى قابىلەتتى ج ق ز عارىش جۇيەسىن مەنشىككە بەرۋ قۇقىعى سەرتيفيكاتىنا قول قويىلدى. بۇل تۋرالى قازعارىشتىڭ باسپا ءسوز قىزمەتى حابارلادى.
سەرتيفيكات مەنشىك قۇقىعىنا كوشۋگە مۇمكىندىك بەرەدى جانە شتاتتىق پايدالانۋ ءۇشىن قابىلداۋدى تۇپكىلىكتى اكتىگە قول قويىلعان كۇننەن باستاپ، قازاقستان رەسپۋبليكاسىنىڭ ج ق ز عارىش جۇيەسىنىڭ سپۋتنيگى مەن جەرۇستى ينفراقۇرىلىمىن ساقتاندىرۋ شارتى كۇشىنە ەنەدى.
قازاقستاندىق «КazEOSat-1» سپۋتنيگى فرانسياداعى گۆياناداعى «كۋرۋ» عارىش ايلاعىنان 2014 -جىلدىڭ 30 -ساۋىرىندە ەۋروپالىق «ۆەگا» تاسىمالداعىش زىمارانىمەن ۇشىرىلعان بولاتىن. جوعارى كەڭىستىكتىك قابىلەتى پانحروماتيكالىق رەجيمدە 1 مەتر جانە مۋلتيسپەكترلىق رەجيمدە 4 مەتر بولاتىن عارىش اپپاراتىنىڭ كورىنەتىن، ءارى جاقىن ينفراقىزىل دياپازونداعى مۋلتيسپەكترلىق ارنالارى بار.
مەنشىك قۇقىعىن العاننان كەيىن «قازاقستان عارىش ساپارى» ۇ ك» ا ق ءوزىنىڭ اكتيۆتەرىن ۇلعايتادى جانە «КazEOSat-1» سپۋتنيگىن كوممەرتسيالىق پايدالانۋعا كىرىسەدى.
قازاقستان رەسپۋبليكاسىنىڭ وزىندىك جقز عارىش جۇيەسىنىڭ پايدا بولۋى عارىشتىق مونيتورينگىلەۋ جانە بولجاۋ سالاسىنداعى ەڭ الدىڭعى تاجىريبەنى پايدالاۋ مۇمكىندىگىنە يە بولادى. «КazEOSat-1» سپۋتنيگى ج ق ز قىزمەتتەرىنىڭ تولىق سپەكترلەرىن ۇسىنۋعا، قازاقستان رەسپۋبليكاسىنىڭ اۋماعىندا تۇسىرىلىمدەر الۋعا، سونداي-اق تابيعي اپاتتاردىڭ الدىن الۋعا، جەر كاداسترىن جۇرگىزۋگە، ەلىمىزدىڭ قورعانىسى مەن قاۋىپسىزدىگىن قامتاماسىز ەتۋ ءۇشىن كارتوگرافيالاۋ، جەردىڭ باسقا دا ۋچاسكەلەرىن مونيتورينگىلەۋ ماقساتىنا باعىتتالعان.
