كاسپي تەڭىزى ارقىلى قازاقستان شەكاراسىنان زاڭسىز وتكەن ازەربايجاندىق ازاماتتارعا سوت ۇكىمى شىقتى

 استانا. قازاقپارات - باكۋ قالاسىنان كاسپي تەڭىزى ارقىلى قازاقستان رەسپۋبليكاسىنىڭ مەملەكەتتىك شەكاراسى ارقىلى زاڭسىز وتكەن ازەربايجان ازاماتتارىنا قاتىستى سوت ۇكىمى شىقتى،

دەپ حابارلانعان ماڭعىستاۋ وبلىستىق سوتىنىڭ سايتىندا.

«ماڭعىستاۋ وبلىسى قاراقيا اۋداندىق سوتىندا قازاقستان رەسپۋبليكاسى قىلمىستىق كودەكسىنىڭ 392-بابىنىڭ 1-بولىگى بويىنشا ايىپتالعان ازەربايجان رەسپۋبليكاسىنىڭ ازاماتتارىنا قاتىستى قىلمىستىق ءىس قارالدى. سوت وتىرىسىندا انىقتالعانداي، 2015 - جىلى 10 - اقپاندا اتالعان ازاماتتار ءوزارا كەلىسىپ، «بايدا»  ءجۇزۋ قۇرالىن پايدالانىپ، باكۋ قالاسىنان كاسپي تەڭىزىنە وتكىزۋ پۋنكتتەرىنەن تىسقارى جەردەن قۇجاتسىز جانە ءتيىستى رۇقساتسىز قازاقستان رەسپۋبليكاسىنىڭ مەملەكەتتىك شەكاراسى ارقىلى ادەيى زاڭسىز اينالىپ وتكەن»، دەلىنگەن حابارلامادا.

سوت ۇكىمى بويىنشا ازەربايجان رەسپۋبليكاسىنىڭ ازاماتتارى ق ر  ق ك 392- بابىنىڭ 1- بولىگىمەن كىنالى دەپ تانىلىپ، ولارعا وسى باپ بويىنشا قازاقستان رەسپۋبليكاسىنىڭ شەگىنەن تىسقارى جەرگە بەس جىل مەرزىمگە شىعارىپ جىبەرە وتىرىپ، 9 اي مەرزىمگە باس بوستاندىعىنان ايىرۋ جازاسى تاعايىندالدى.

ۇكىم زاڭدى كۇشىنە ەنگەن جوق.