قىزىلوردا وبلىسىندا ءوڭىر ەكونوميكاسىن ءارى قاراي دامىتۋعا سەرپىن بەرەتىن كەلىسىم جاسالدى - فوتو

قىزىلوردا. قازاقپارات - بۇگىن قىزىلوردا وبلىسىنىڭ اكىمدىگى مەن «قازاتوم ونەركاسىپ» ۇلتتىق اتوم كومپانياسى» اكتسيونەرلىك قوعامى اراسىندا «جەرگىلىكتى قامتۋدى دامىتۋ» تۋرالى مەموراندۋمعا قول قويىلدى. بۇل تۋرالى وبلىستىق اكىمدىكتىڭ باسپا ءسوز قىزمەتىنەن حابارلادى.

كەزدەسۋ بارىسىندا قىزىلوردا وبلىسىنىڭ اكىمى قىرىمبەك كوشەربايەۆ «قازاتوم ونەركاسىپ» ۇ ا ك» ا ق باسقارما ءتوراعاسى اسقار جۇماعاليەۆتى جاڭا قىزمەتكە تاعايىندالۋىمەن قۇتتىقتاپ، كاسىپورىننىڭ وڭىرلىك فيليالدارىنىڭ جۇمىستارىنا قىسقاشا توقتالىپ ءوتتى. ءوز كەزەگىندە، اسقار جۇماعاليەۆ قىزىلوردا وبلىسى كومپانيانىڭ باستامالارىن ءارقاشان قولداپ كەلەتىنىن اتاپ ءوتتى.

قوس تاراپ جەرگىلىكتى ونىمدەر كولەمىن ۇلعايتۋ، ەنشىلەس كومپانيالاردىڭ كەڭسەلەرىن قىزىلوردا وبلىسىنا كوشىرۋ جانە سامارا- شىمكەنت تاس جولىنىڭ قىزىلوردا وبلىسىنداعى بولىگىن «قازاتومونەركاسىپ» بالانسىنا بەرۋ سياقتى ءبىرقاتار ماسەلەلەردى تالقىلاپ، «جەرگىلىكتى قامتۋدى دامىتۋ» تۋرالى مەموراندۋمعا قول قويدى. مەموراندۋم ءوڭىردىڭ ەكونوميكاسى مەن الەۋمەتتىك سالاسىن ودان ءارى دامىتۋعا، ازاماتتاردىڭ ءال- اۋقاتى مەن تۇرمىس- تىرشىلىگىنىڭ دەڭگەيىن كوتەرۋگە ءوز سەپتىگىن تيگىزەتىن بولادى. «قازاتوم ونەركاسىپ» ۇ ا ك» ا ق ءوڭىردىڭ الەۋمەتتىك- ەكونوميكالىق تۇراقتىلىعى، سونىڭ ىشىندە ەنشىلەس كومپانيالار قىزمەتكەرلەرىنىڭ ەڭبەك قۇقىقتارىن قورعاۋعا، قازىرگىلەرىن ساقتاي وتىرىپ، جاڭا جۇمىس ورىندارىن اشۋعا باعىتتالعان ءىس- شارالارعا قاتىساتىن بولادى.

ايتا كەتەيىك، ەرتەڭ «قازاتوم ونەركاسىپ» ۇ ا ك» ا ق باسقارما ءتوراعاسى اسقار جۇماعاليەۆ جاڭاقورعان، شيەلى اۋداندارىنداعى كاسىپورىن فيليالدارىنىڭ جۇمىسىمەن تانىساتىن بولادى.