سەمەيدە جويقىن داۋىل قالانىڭ استان-كەستەڭىن شىعاردى - فوتو

استانا. قازاقپارات - سەمەي قالاسىندا كەشە قاتتى داۋىل تۇرىپ، سالدارىنان اعاشتار قۇلاپ، كولىكتەر زارداپ شەكتى.

قاتتى نوسەردىڭ كەسىرىنەن جول قوزعالىسى قيىندادى. اتالعان جايتقا قاتىستى فەيسبۋك الەۋمەتتىك جەلىسىندەگى «سەمەي-سەميپالاتينسك ترانزيت» توبىندا پايدالانۋشىلار فوتوسۋرەتتەر جاريالادى.

ماسەلەن، عالامتور پايدالانۋشىسى سەرگەي لي حان «قالانىڭ كوپتەگەن اۋداندارى جارىقسىز قالدى، جولداردا جاڭا كوپىردىڭ سۋ سورۋ جۇيەسىنىڭ جۇمىس ىستەمەۋىنە بايلانىستى كەپتەلىستەر پايدا بولدى. كوپىردىڭ سول جاعالاۋداعى اينالما جولىندا كولىكتەر ەكى باعىتتا دا ءجۇرىپ جاتىر. ورتالىق ساياباق جانىندا اۆتوبۋستىڭ ۇستىنە اعاش پەن سىم قۇلادى. قالانىڭ ەسكى ورتالىعىندا كوپتەگەن اعاشتار قۇلاعان. كولىكتەر زارداپ شەگىپ جاتىر»، دەپ جازادى مۇندا جاريالاعان ءوزىنىڭ حابارلاماسىندا.