07:39, 15 - ماۋسىم 2015 | GMT +5
وڭتۇستىك كورەيادا كوروناۆيرۋس قۇرباندارىنىڭ سانى ارتتى
استانا. قازاقپارات - وڭتۇستىك كورەيا ەلىندە تاياۋشىعىستىق رەسپيراتورلىق سيندرومى (MERS) كوروناۆيرۋسى قۇرباندارىنىڭ سانى ارتۋدا. بۇل دەرتكە شالدىققاندار سانى 150 گە جەتتى.
رەنحاپ اگەنتتىگىنىڭ مالىمەتتەرىنە سايكەس، اتالمىش اۋرۋدى جۇقتىرعان تاعى ءبىر ادام جەكسەنبى كۇنى كوز جۇمدى. ءسويتىپ، بۇل ەلدە قاۋىپتى دەرتتەن قايتىس بولعانداردىڭ جالپى سانى 16 ادامعا جەتتى.
تاياۋشىعىستىق رەسپيراتورلىق سيندرومى (MERS) كوروناۆيرۋسىنىڭ ەرتە كەزەڭدەرى ەرەكشە بەلگىلەرسىز وتەدى. ازىرگە بۇل دەرتكە قارسى ۆاكسينا دا، دارىلىك زاتتار دا بولماۋدا.
