بۇگىن ەلىمىزدىڭ باسىم بولىگىندە جەل كۇشەيىپ، بۇرشاق جاۋادى - قازگيدرومەت

استانا. قازاقپارات - قازاقستان اۋماعىنىڭ باسىم بولىگىندە اتموسفەرالىق فرونتالدى اعىنداردىڭ وتۋىنە بايلانىستى تۇراقسىز اۋا رايى ساقتالادى.

كەي جەرلەردە جاڭبىر جاۋىپ، نايزاعاي بولادى، جەل كۇشەيىپ، كەي جەرلەردە بۇرشاق جاۋۋى ىقتيمال، رەسپۋبليكانىڭ باتىسى مەن وڭتۇستىگىندە عانا اۋا رايى اشىق بولادى، دەپ حابارلادى «قازگيدرومەت» ر م ك.

اقمولا، الماتى، سولتۇستىك قازاقستان وبلىستارىنىڭ كەي جەرلەرىندە كۇن كۇركىرەپ، جەل 15-23، ۇيتقۋى 25 م/س- قا كۇشەيەدى، بۇرشاق جاۋۋى ىقتيمال. جامبىل، قوستاناي، قاراعاندى، شىعىس قازاقستان وبلىستارىندا كەي جەرلەرىندە كۇن كۇركىرەپ، جەل 15-22 م/س دەيىن كۇشەيەدى.

وڭتۇستىك قازاقستان وبلىسىنىڭ كەي جەرلەرىندە جەلدىڭ 15-20 م/س- قا دەيىن كۇشەيۋى كۇتىلەدى. پاۆلودار وبلىسىندا كەي وڭىرلەرىندە جەل 17-22، كەي جەرلەردە 26 م/س- قا دەيىن كۇشەيىپ، نايزاعاي وينايدى.

اتىراۋ، باتىس قازاقستان، اقتوبە، قاراعاندى، قىزىلوردا، وڭتۇستىك قازاقستان، جامبىل، الماتى وبلىستارىنىڭ كەي جەرلەرىندە وتە جوعارى ءورت ءقاۋىپى ساقتالادى.