تۇرمەدە قايتىس بولعان ساددام حۋسەيننىڭ بۇرىنعى كومەكشىسىنىڭ ءمايىتى جوعالىپ كەتتى
يراكقا جۇبايىنىڭ دەنەسىن يوردانياعا جەرلەۋ ءۇشىن الىپ كەتۋگە بارعان مارقۇمنىڭ ايەلى ءمايىت سالىنعان تابىت باعدادتىڭ حالىقارالىق اۋەجايىندا جوعالىپ كەتكەنىن حابارلادى.
Royal Jordanian اۋە كومپانياسىنىڭ وكىلى باعدادتان كەلگەن سوڭعى ۇشاقتا ءمايىت بولماعانىن راستادى. يراك بيلىگى ازىرگە بۇل حابارعا بايلانىستى تۇسىنىك بەرمەدى.
يراك پرەمەر- ءمينيسترىنىڭ بۇرىنعى ورىنباسارى تاريك ازيز وتكەن اپتادا ناسيريا قالاسىنداعى تۇرمەدە قايتىس بولعان. ول تۇرمەدە وزىنە كەسىلگەن ءولىم جازاسىن كۇتىپ جاتقان. ساراپشىلار ونىڭ جۇرەك تالماسىنان قايتىس بولعانىن ايتادى.
تاريك ازيز ساددام حۋسەين ۇكىمەتىندەگى حريستيانداردىڭ شەنى ەڭ جوعارى وكىلى بولعان ءارى «بااس» پارتياسىن حالىقارالىق دەڭگەيدە تانىتقان.
2010 - جىلدىڭ قازان ايىندا ول شييتتىك پارتيا مۇشەلەرىن قۋعىنداعانى ءۇشىن ءولىم جازاسىنا كەسىلگەن ەدى. شييتىك پارتيا قازىر يراك ۇكىمەتىندە باسىمدىققا يە.
«ازاتتىق»
