افريكالىق وداق قۇرلىقتىق ەركىن ساۋدا ايماعىن قۇرادى

«جاڭا ەكونوميكالىق ايماق جەكەلەگەن ءوڭىردى بىرىكتىرمەي، 54 مەملەكەت ورنالاسقان بۇكىل قۇرلىقتى قامتىماق. ساراپشىلار مۇنداي ءىرى قاۋىمداستىق ادامزات تاريحىندا بۇرىن- سوڭدى بولماعان»، -  دەيدى.

 3 ساۋدا بلوگى افريكانىڭ وڭتۇستىك دامۋ قاۋىمداستىعى، شىعىس افريكالىق جانە شىعىس پەن وڭتۇستىك افريكانىڭ ورتاق نارىعى جاڭا ءبىرىڭعاي ايماققا بىرىككەلى جاتىر. ەندى افريكاداعى 26 ەلدىڭ پارلامەنتى زاڭدى قۇجاتتى ماقۇلداۋى كەرەك.

ساراپشىلاردىڭ بولجامىنشا، اتالعان كەلىسىمشارت تولىق زاڭدى كۇشىنە ەنگەندە، افريكا ەلدەرىنىڭ ءوز ىشىندەگى ساۋدا- ساتتىق جاساۋ دەڭگەيى قازىرگى 12 پايىزدان 30 پايىزعا دەيىن ۇلعايادى دەگەن بولجام بار. قۇرلىقتىق ەركىن ساۋدا ايماعىن قۇرۋ ماسەلەسىن پىسىقتاۋ 14-15 - ماۋسىمدا وڭتۇستىك افريكا رەسپۋبليكاسىنىڭ استاناسى يوحاننەسبۋرگتە وتەتىن سامميتتە جالعاسادى. قازىرگى جوسپار بويىنشا، ەكونوميكالىق ايماق 2017 -جىلى تولىق قۇرىلىپ، افريكاداعى بارلىق 54 ەلدى بىرىكتىرۋى ءتيىس.

 ابدۋل- فاتتاح اس- سيسي، مىسىر پرەزيدەنتى:

- وسى كەلىسىمشارتقا قول قويۋ افريكالىق ەكونوميكالىق وداقتى قۇرۋ جولىنداعى العاشقى قادام. ەندى وسى كەلىسىمشارتتاعى بارلىق تارماقتاردى ىسكە اسىرۋعا ارنالعان جوسپار قۇرۋىمىز كەرەك. بۇل شارالار تاريحي كۇن رەتىندە جادىمىزدا جاتتالىپ، سانامىزدا ساقتالىپ قالماق.

دجيم يەن كيم، دۇنيەجۇزىلىك بانك پرەزيدەنتى:

 - ەركىن ساۋدا تۋرالى كەلىسىمشارت كايردەن كەيپتاۋنعا دەيىنگى قۇرلىقتىڭ ەكونوميكالىق بولاشاعى ءۇشىن ماڭىزدى قادام بولماق. افريكا عالامدىق ەكونوميكاعا ەركىن كىرىگەتىن بولادى.

 جالپى ىشكى ءونىمى 1,2 تريلليون دوللارعا جەتەتىن، ال حالىق سانى جارتى ميللياردتان اساتىن 26 ەلدىڭ باسشىسى اۋقىمى كەڭ، ماڭىزى زور كۇن ءتارتىبىن بەكىتتى.

«حابار» ارناسى