قازاقستان مەن ۋگاندا فۋتبول قۇرامالارى اراسىندا ماتچ وتپەيتىن بولدى

 استانا. قازاقپارات - قازاقستان قۇراماسىنىڭ ۋگاندا كومانداسىنا قارسى جولداستىق ماتچى 16 - ماۋسىمدا الماتىنىڭ ورتالىق ستاديونىندا وتپەيتىن بولدى، دەپ حابارلادى Vesti.kz.

ەكى ەلدىڭ فۋتبول فەدەراتسيالارى اراسىندا بەلگىلى ءبىر ۋاعدالاستىق بولعان، الايدا ويىنعا ءۇش كۇن قالعاندا، كەزدەسۋدى وتكىزبەۋ شەشىمى قابىلداندى، رەسمي سەبەبى كەيىنىرەك ايتىلاتىنى اتاپ وتىلەدى.

16 - ماۋسىمدا قازاقستان قۇراماسى تاعى ءبىر افريكا ەلى كابو- ۆەردەگە قارسى ويىنعا شىعۋى ءتيىس بولاتىن، الايدا قارسىلاستار سوڭعى ساتتە قازاقستانعا كەلۋدەن باس تارتتى. ۋگاندامەن ءماجبۇرلى تۇردە اۋىستىرىلعان بولاتىن.

ەسكە سالساق، 12 - ماۋسىمدا الماتىدا قازاقستان قۇراماسى تۇركيادان 0:1 ەسەبىمەن ۇتىلدى. ويىن ەۋرو-2016-عا ىرىكتەۋ اياسىندا وتكەن.